ਹੋਸ਼ ਗਵਾਉਣਾ ਏ
ਤੇ ਸਹਾਰਾ ਲੋ ਸ਼ਰਾਬ ਦਾ

ਹੋਸ਼ ਚ ਆਉਣਾ ਏ
ਤੇ ਸਹਾਰਾ ਲੋ ਕਿਤਾਬ ਦਾ

ਤੰਨ ਮਹਕਾਉਣਾ ਏ
ਤੇ ਸਹਾਰਾ ਲੋ ਗੁਲਾਬ ਦਾ

ਮਨ ਮਹਕਾਉਣਾ ਏ
ਤੇ ਸਹਾਰਾ ਲੋ ਪੰਜਾਬ ਦਾ।

-

ਪੱਤਾ ਪੱਤਾ ਹੋ ਝੜੀਆਂ ਵਾਂ
ਇਕ ਦਮ ਥੋੜੀ ਮਰਿਆਂ ਵਾਂ
ਲੱਖ ਸਾਜਿਸ਼ਾਂ ਹੋਇਆ ਨੇ
ਫੇਰ ਜਾਕੇ ਕਿੱਥੇ ਹਰੀਆਂ ਵਾਂ।

-

ਅੱਜਕਲ ਇਨਸਾਨ ਦਾ ਇਨਸਾਨ ਨਾਲ ਰਿਸ਼ਤਾ
'ਕੱਮ' ਤਿੱਕ ਰਹਿ ਗਿਆ ਯਾ 'ਕਾਮ' ਤਿੱਕ ਰਹਿ ਗਿਆ।

-

ਕੇਰਾਂ ਜਿੱਤਣਾ ਚਾਹੁਣਾ ਹਾਂ ਹਰਨ ਤੋਂ ਪਹਿਲਾਂ
ਜ਼ਮੀਨ ਘੁੰਮਨੀ ਏ, ਉੱਤੇ ਚੜ੍ਹਨ ਤੋਂ ਪਹਿਲਾਂ

ਬਹੁਤ ਖਵਾਇਸ਼ਾ ਦੀ ਖਵਾਇਸ਼ ਨਹੀਂ ਮੈਨੂੰ
ਬਸ ਜੀਣਾ ਚਾਹੁਣਾ ਹਾਂ ਮਰਨ ਤੋਂ ਪਹਿਲਾਂ।

-

ਐਨਾ ਇਤਬਾਰ ਤੇਰੇ ਤੇ ਯਾਰਾ
ਜਿੰਨਾਂ ਮੈਨੂੰ ਖ਼ੁਦਾ ਤੇ ਵੀ ਹੈਨੀ
ਤੂੰ ਐਨਾ ਮੈਨੂੰ ਜਰੂਰੀ ਐ
ਜਿੰਨਾ ਮੈਂ ਖ਼ੁਦ, ਖ਼ੁਦ ਲਈ ਵੀ ਹੈਨੀ।

-

Bahut kujh kismat naal hai milda
Sab kujh keemat naal nahi milda.

-

ਜਿਉਂਦਾ ਬੰਦਾ ਜਦ ਦੁੱਖ ਦੱਸੇ
ਤੇ ਕਹਿੰਦੇ ਬਹਾਨੇ ਲਾਉਂਦਾ ਏ
ਓਹੀ ਬੰਦਾ ਜਦ ਮਰ ਜਾਂਦਾ
ਤੇ ਕਹਿੰਦੇ ਬਹਾਨਾ ਬਣਦਾ ਏ।

-

ਸਾਰੀ ਜ਼ਿੰਦਗੀ ਲੰਘ ਚੱਲੀ
ਕੋਈ ਰੀਝ ਨਾ ਪੁਰੀ ਹੋਈ
ਸਾਡੇ ਸੁਫ਼ਨੇ ਪੂਰੇ ਕੀ ਹੋਣੇ
ਸਾਡੀ ਨੀਂਦ ਨਾ ਪੁਰੀ ਹੋਈ
ਨਾ ਮੰਜਿਲ ਨਾ ਮੁਕਾਮ ਮਿਲਿਆ
ਨਾ ਰੂਹ ਨੂੰ ਕਦੇ ਆਰਾਮ ਮਿਲਿਆ
ਨਾ ਮੁਸਕੁਰਾਹਟ ਮਿਲੀ ਚਿਹਰੇ ਨੂੰ
ਨਾ ਲਬਾਂ ਨੂੰ ਖੁਸ਼ੀ ਦਾ ਜਾਮ ਮਿਲਿਆ
ਸਾਡੇ ਸਫ਼ਰ ਮੁੰਕਮਲ ਕੀ ਹੋਣੇ
ਹਰ ਇਕ ਰਾਹ ਅਧੂਰੀ ਹੋਈ
ਸਾਡੇ ਸੁਫ਼ਨੇ ਪੂਰੇ ਕੀ ਹੋਣੇ
ਸਾਡੀ ਨੀਂਦ ਨਾ ਪੁਰੀ ਹੋਈ।

-

Shehra de footpath vekh
Pta lagda
Gareebi kini hai

Door hoyeya baad
Pta lagda
Kareebi kini hai

Car de andar jwaak vekh
Pta lagda
Kismat kini hai

Car de bahar jwaak vekh
Pta lagda
Badnseebi kini hai.

-

ਦਿਲ ਸੀ, ਟੁੱਟਣਾ ਹੀ ਸੀ
ਰੱਬ ਸੀ, ਰੁੱਠਣਾ ਹੀ ਸੀ
ਜਿਸਮ ਤੋਂ ਰੂਹ ਵੱਖ ਹੋਣੀ ਹੀ ਸੀ
ਸਾਥ ਸੀ, ਛੁਟਣਾ ਹੀ ਸੀ

ਸਫ਼ਰ ਸੀ, ਮੁੱਕਣਾ ਹੀ ਸੀ
ਅੰਤ ਸੀ, ਢੁੱਕਣਾ ਹੀ ਸੀ
ਕਿੰਨਾ ਚਿਰ ਸਾਂਭੀ ਰੱਖਦੇ ਖ਼ੁਦ ਨੂੰ
ਮੁਰਦਾ ਸੀ, ਫੁਕਨਾ ਹੀ ਸੀ।

-