Haya ke parde ankho'n se hatana bhi to padta hai
Agar hai pyar dil mein to jatana bhi to padta hai
Isharo'n hi isharo'n mein yu'n kabtak baat rakkhoge
Jo tera hal hai usko batana bhi to padta hai
Fakat bas likhke rakhne se ye ekdin kho hi jaaynge
Hain jo bhi khat likhe unko bhijana bhi to padta hai
Naya gar naam likhna hai to ye bhi soch lo tum phir
Purane naam jitne hain mitana bhi to padta hai
Kisi ki yaad lekar ke kisi ke paas mat jana
Kisi ko pana hai to kuchh bhulana bhi to padta hai
Subah aur shaam seene se dhuaa'n nikle ghalat hai ye
Lagi jo aag seene mein bujhana bhi to padta hai
Na do tum dawatein shaklo ko khud yu'n aaiyina bankar
Koi patthar mila jis din bikhar jaana bhi padta hai
-