Tab kahan thi tum
jab may kayi raate sisak sisak ke ro raha tha
Har siski har ek aansun tere naam ho raha tha
Uss waqt zor se pukara tha maine tumhe
Tab kahan thi tum, ab kyu aayi ho...
Tab kahan thi tum
jab may bhari beedh me bhi akela tanha sa tha
Intezar me tere lamha lamha sa tha
Ghadhi ka har ek tik tik tere naam ho raha tha
Uss waqt zor se pukara tha maine tumhe
Tab kahan thi tum, ab kyu aayi ho...
Tab kahan thi tum
jab may apni hatheli pe tera naam kured raha tha
May pal pal kudh ko hi chedh raha tha
Girte khoon ka har ek katra tere naam ho rha tha
Uss waqt bhi zor se pukara tha maine tumhe,
Tab kahan thi tum, ab kyu aayi ho...
Abb jo aayi ho toh sunn lo..
Pochh liye hai maine wo sisakti raaton k aansun,
Tod di hai wo tik tik karne wali ghadi
Bas tere naam ka harf meri hatheli pe baki hai
Ye mera tha mera hi rahega..
Bas tum dubara mat aajana
Kyuki fir se nahi puch paunga may
Ki tab kaha thi tum, ab kyu aayi ho...
-