The Tall Man: Biju Patnaik

ଓଡ଼ିଶାର ସିଏ ସୁଯୋଗ୍ୟ ସନ୍ତାନ,
ବିଜୁବାବୁ ନାରେ ତାଙ୍କୁ ଜାଣଇ ସାରା ଜଗତ |
ଦେଶ ବାହାରେ ତାଙ୍କର ନାମ ଅଛି ଅନେକ,
ବିଶ୍ୱ ଦରବାରରେ ରଖିଲେ ସେ ଓଡ଼ିଶାର ଟେକ |
ଇଣ୍ଡୋନେସିଆର ସିଏ ଅଟନ୍ତି ଭୂମିପୁତ୍ର,
କଳିଙ୍ଗର ଉନ୍ନତିରେ ପ୍ରୟୋଗ କଲେ ନିଜ ବୁଦ୍ଧି ସୂତ୍ର |
ଓଡ଼ିଶାର ରୂପରେଖକୁ ବଦଳେଇ ସେ ଦେଲେ,
ତାଙ୍କର ବିୟୋଗରେ କେତେ ଜନତା ଯେ ଝୁରିଲେ |
ଉତ୍କଳର ଉନ୍ନତି ପାଇଁ କରିଗଲେ ବହୁତ,
ତାଙ୍କ ପରି ନେତା ସାରା ଜଗତେ ନାହିଁ ତ' |
"Tall Man Biju Babu" ଭାବରେ ସେ ପରିଚିତ,
ତାଙ୍କ ମହତ୍ବର ଗାଥା "The Tall Man Biju
Pattnaik" ପୁସ୍ତକରେ ରଚିତ |
ଓଡ଼ିଶାରେ ଖ୍ୟାତ ସିଏ, ଜଗତରେ ବିଖ୍ୟାତ,
ତାଙ୍କ ଆଗେ ଆମେ ସଦା ନତ ମସ୍ତକ |

-

ତୁମ ନାମ ଜପି ଏ ଜୀବନ ଧନ୍ୟ
ତୁମେ ହିଁ ସତ୍ୟ, ତୁମେ ହିଁ ସ୍ୱର୍ଗ
ତୁମେ ହିଁ ପ୍ରାଣ, ତୁମେ ହିଁ ଜୀବନ ||
ଜପୁଥା ମନପକ୍ଷୀ ରାମ ନାମ
ଜପୁଥା ମନପକ୍ଷୀ ରାମ ନାମ ||
ପୁର ପଲ୍ଲୀ ଆଜି ହେଇଛି ସଜେଇ
ତୁମ ଭାବରେ ଭକତ ନିଜକୁ ଦେଇଛି ଭିଜେଇ
ଅଯୋଧ୍ୟା ଗାଉଛି ରାମ ରାମ
ସତ ହେଇଛି ଆଜି ଏତେ ବର୍ଷର ସ୍ୱପ୍ନ ||
ଜପୁଥା ମନପକ୍ଷୀ ରାମ ନାମ
ଜପୁଥା ମନପକ୍ଷୀ ରାମ ନାମ ||

-

"ସ୍ମୃତିର ସେ ଟଙ୍କାଟେ" ❤️

ବାପି!
ତୁମ ଝିଅ ଆଜି ରୋଜଗାର କ୍ଷମ ହେଇପାରିଛି
ସତ ହେଲେ ମୁଁ ସ୍କୁଲ ବାହାରିଲା ସମୟରେ ତୁମେ
ହାତକୁ ବଢ଼େଇ ଦେଉଥିବା ସେ 'ଟଙ୍କାଟେ' ର ମୂଲ୍ୟ
ଆଜିବି ମୋ ପାଇଁ ଢେର୍ | ଯେତେ ରୋଜଗାର
କଲେ ମଧ୍ୟ ସେ ଟଙ୍କାଟେ କେଉଁ ମୋତି ମାଣିକ
ଠୁ ବି କମ ନୁହେଁ |କାରଣ ସେ କେବଳ ଏକ
କଏନ୍ ନଥିଲା ବରଂ ଥିଲା ସ୍ନେହ, ପ୍ରେମ, ଶ୍ରଦ୍ଧା ଓ
ଆଦରର ଏକ ପ୍ରତୀକ |

-

ବାହା ରାଶି

ବାପା ମା - ସାତ ଛେଉଡ଼ା ବାହା ହେଇ ଘର ସଂସାର
କଲେଣି | କେଜାଣି ଆମ ପିଲା ମାନଙ୍କର ବାହା
ରାଶି କେବେ ଫିଟିବ?

Meanwhile ପିଲା ମାନେ - କ୍ୟାରିୟର ବା ବାହା
ରାଶିକୁ ଏମିତି ଗଣ୍ଠି ପକେଇଦେଇଛି ଯେ ସେ ଗଣ୍ଠି
ଫିଟିବାର ନାମ ହିଁ ନେଉନି |

-

ବେଲ ପଣା ତତଲା ଚିତ୍ତରେ
ପ୍ରାଣ ଭରେ
ବାଡ଼ି ଆମ୍ବ, ନଡ଼ିଆ, କଦଳୀ
ଆଦି ମିଶି ବୈଶାଖୀ
ତାତିକୁ ଦୂର କରେ
ଓଡ଼ିଆ ନବବର୍ଷ ଆସିଛି
ସଂକ୍ରାନ୍ତି ଏବଂ ସଂସ୍କୃତିକୁ ସାଥିରେ ନେଇ
ସେଥିପାଇଁ ପଲ୍ଲୀରୁ ସହର ଖାଲି
ଉଠେ ଓ ପଡେ ||

-

ଦ୍ବିପ୍ରହରର କଲବଲିଆ ଗରମ
ଅପରାହ୍ନରେ କାଳବୈଶାଖୀର ଛୁଆଁରେ
ବତୁରି ଯାଏ |
ପଖାଳ, ଆମ୍ବ କଷି ଓ ବାଡ଼ି
ଶାଗ ଭଜା ତନୁ ମନେ ପ୍ରାଣ ଭରିଦିଏ |
ସଞ୍ଜ ବେଳକୁ ମଲ୍ଲି ଚଉଦିଗେ ମହ ମହ ବାସି ଉଠେ |
ଗଛର ଉହାଡୁ ଜହ୍ନ କାଠ ଚମ୍ପା ଦେଖି ହସେ |

-

ଗୋଟେ ଦୀପ ଧନୀ ଘରର
ଛାତ ତଳେ ଯେମିତି ଜଳେ
ଗରିବ ଘର ଛାତ ତଳେ ମଧ୍ୟ
ଠିକ ସେଭଳି ଜଳେ,..

କିନ୍ତୁ ଏତିକି ପାର୍ଥକ୍ୟ ଏ ଦୀପ
ଅଭାବୀ ଘରର ଅଭାବର ଅନ୍ଧାରକୁ
ଦୂର କରିପାରେନି ||

-

ନାଲି ସିନ୍ଦୂର,
ନାଲି ଅଳତା,
ଓ ନାଲି ଟୋପା ଟିକିଲି,
ସବୁ ଯେମିତି ଆଜି ରକ୍ତର ନାଲିରେ ପରିଣତ;
କାରଣ ଜୁଈ ଜଳୁଛି...ହଁ ଜୁଈ!
ଯୌତୁକ ନିଆଁରେ ନବବଧୂର ଜୁଈ ଜଳୁଛି ||

-

ଆଜି ପୁରୁଣା ଡାଏରୀ ଖୋଲି
ପୁରୁଣା ସ୍ମୃତି ସବୁକୁ ସାଉଁଟୁ ଥିଲି
ଆଉ ଜାଣିଛ! ପୁରୁଣା ସ୍ମୃତି ସହ
ତୁମେ ଦେଇଥିବା ସେ ପୁରୁଣା
ଗୋଲାପଟି ମଧ୍ୟ ଆଜି ପାଇଲି,
ହୁଏତ ପାଖୁଡା ଗୁଡିକ ଝଡି ଗୁଣ୍ଡ
ହୋଇଯାଇଥିଲା କିନ୍ତୁ ସ୍ମୃତି ତଥାପି
ସତେଜ ଲାଗୁଥିଲା ||

-

ପକୁଡି ସାଙ୍ଗକୁ ଅଦା ପକା ନାଲି ଚା' ଓ ଟିଭିରେ ସମାଚାର |
ବାପା, ବୋଉ, ଭାଇ, ଭଉଣୀଙ୍କ ସହ କେତେ ଯେ କଥା ଥାଏ,
ଲାଗେ ଯେମିତି ସେ କଥା କେବେ ସରିବ ନାହିଁ ||
ଯେତେ ଯାହା କାମ ଥାଉ ସନ୍ଧ୍ୟା ସୁଧା ସବୁ ସାରିକି ସମସ୍ତେ ସେଇ ବଡ଼ ଘରେ ଏକାଠି ହେଇଯାଆନ୍ତି | ବାପା ସୋଫା ଉପରେ ବୋଉଟି ମୋର ଖଟରେ ବସିଥାଏ ଆଉ ଆମେ ତିନି ଭାଇ ଭଉଣୀ ଯେ ଯାହାର ଯେଉଁଠି ଇଛା ବସିଯାଉ | ଅତୀତର କଥାକୁ ମନେ ପକେଇ ହସି ଦେଉ, ବର୍ତ୍ତମାନର ସମୟକୁ ଚା' ଆଉ କଡ଼କଡ଼ିଆ ପକୁଡି ସହ ଉପଭୋଗ କରୁ ଏବଂ ଭବିଷ୍ୟତକୁ ଭାବି ଟିକେ ଡରି ଯାଉ କାଳେ; କେବେ କେଉଁଠି କଣ ହେଇଯିବ! ଯେମିତି ସେ ବଡ ଘରେ ଖୁସିର ପସରା ନେଇଆସିଥାଏ ସେ ଅଦା ପକା ନାଲି ଚା' ଆଉ ପକୁଡି ତା ସହ ପୁଣି ସେଠି ଯେପରି ଅତୀତ, ବର୍ତ୍ତମାନ ଓ ଭବିଷ୍ୟତର ସଙ୍ଗମ ହୋଇଥାଏ ||

ହଁ, ସେଇ ସଞ୍ଜ ବେଳ..
ସୁନ୍ଦର ସେ ସଞ୍ଜବେଳ!
ଯେ କି ଅଭୁଲା ସ୍ମୃତି ସବୁକୁ ସାଉଁଟି ଦେଇଛି ||

-