தெரு பிள்ளையாரை
தேடிப் போகும்
தெரு நாயை
விரட்டும் அதிகாரம்
பூசாரிக்கு யார் கொடுத்தது...?

-

சிறிதும் சலனமின்றி
சருகென பிரிந்தாயே
நீயும்...
மரமென நிற்கிறேன்
நானும்...

-

I know you can't be my sky,
All I want is ,
can you be my rainbow, please ...?

-

வர மாட்டாய் நீயும்
என அடைத்து
சாத்திய கதவை
தாழிட மறந்தவளாய்
செல்கிறேன் நானும் ...

-

உன்னை விட
உன் நினைவுகளை
எனக்கு மிகவும் பிடித்திருக்கிறது
நீ என்னை தேட
மறுத்த போதும்
மறந்த போதும்
உன் நினைவுகள்
நான் எங்கு ஒளிந்திருந்தாலும்
தேடி கண்டு
என்னை கட்டிக்கொண்டு
விடுவதும் இல்லை
விலகுவதும் இல்லை...
உன்னை விட
உன் நினைவுகளைத் தான்
எனக்கு அதிகம் பிடித்திருக்கிறது...

-

We're two different poles.Unfortunately poles of a same magnet. So, even how hard we try we can't be together unless we broke ...

-

என் தெய்வம் அவன்
நிர்கதியில் நிர்மூலமாகி
கொண்டிருந்த என்னை
காத்தவன்
நேர்த்திக்கடனாய்
கேட்கிறான் பலியாய்
என் காதலை ...

-

மழை நீரில்
அடித்துச் செல்லப்பட்ட
ஒற்றை செருப்பென
தேடுகிறேன் உன்னை ...

-

இதற்குமேல் உடைவதற்கு ஒன்றுமேயில்லை
என்னும் அளவிற்குதான்
வந்து உடைத்துவிட்டு போகிறார்கள்
சிலர் நம் வாழ்வில்...

-

கம்யூனிச காதல்
உன்னை கண்டு சிவந்தது
என் கன்னங்கள்...
உன்னை காணாமல் சிவந்தது
என் கண்கள்...
உன்னை கொண்டு சிவக்காதோ
என் நெற்றி வகிடு ...

-