తేట తేట తెలుగు తియ్యని తెలుగు
తెల్ల తామర తనువు, తేనె మీగడ తెలుగు
బోసి నవ్వుల భాష పున్నమి వెలుగు
లేత వయ్యారాల ఁపాస నిండు వెన్నెల జిలుగు
సంగీత రాగాలు, సాహిత్యాల నయగారాలు
వేవేల వర్ణాలు అచ్చు హల్లుల సంధ్యా కిరణాలు
మాటలు ముద్ద మందారాల మెరుగు
పంచరత్నాలు ఆపర్యంతం పాటల మెలుగు
కోటి కోటి భావాల కవుల కల్పతరువు
భావుకులు కొనియాడగ కల్పనల కల్పాంతాల కామధేనువు పొదుగు
పద్యాలు - కాళిందుని తలపై బాలకృష్ణుని పద విన్యాసం
గద్యాలు - గరళ కంఠుని నాట్య విలాసం
కమనీయం కచటతప ల కరన్యాసం
గాంధర్వం గజడదబ ల అంగన్యాసం
చందనం తెలుగు తల్లికి చల్లటి చందనం
వందనం నా తెలుగు తల్లికి మరల మరుల వందనం🙏🌸
-