या शरीरातील कण ना कण तिचाच आहे
अगदी पायाच्या नखापासून ते
चेंडकीच्या केसापरयंत....
तीच ओळखू शकते मला
तीच सांगू शकते की,
माझ्या मुलाच्या अंगावर
कुठे तीळ वा मस आहे ते..
तिचा हात लहानपणापासून
कुरवाळलाय अख्खंं शरीर माझं..
म्हणून हा देह पावनच नाही का...?
तिच्यामुळेच हे सुंदर जग दिसतंय या डोळ्याला,
तिच्यामुळेच मी चार घास खातोय सुखाने.
जगातील कुठलाही देव माझ्या मायीसारखी
माझ्यावर प्रेमळ नजर ठेवत नाही..
तिला कुठूनही दिसतो मी..
म्हणून मला माझी माय पुजनीय /वंदनीय आहे.
त्यामुळेच मला कोणत्याही दिवसाची फिकीर नाही.
कारण माझी माय... पहटेच जागी होते म्हणून ही सकाळ होत असते....!
-