ବହୁ ଦିନ ହେଲା, ଭୁଲିଛି ତୁମକୁ
ଆଜି କାହିଁ ମନେ ପଡିଲ ।
ଶୁକ୍ରବାର ଦିନ, ସୁକ୍ରୁଳି ହାଟରେ
ଦେଖା ଦେବ ଭଳି ଲାଗିଲ ।।
ଦୁଇ ମାସ ହେବ, ତୁମ ସ୍ପର୍ଶ ନାହିଁ
ଅଣ ଦେଖା କଲି ଭାବିଲ ।
ଆଗରୁ ଅଧିକ, ଭଲ ପାଉଥିଲି
ଘର ଆଡେ ନିତି ଆସିଲ ।।
ଭୁଲ ବୁଝିବନି , ତୁମକୁ ଯେ ଘୃଣା
କରିନି କରିବି ଆଗକୁ ।
ଆଜି ଆଉ ଥରେ, ଘରକୁ ଆସିବ
କହିଦେଲି ଘରେ ସଭିଙ୍କୁ ।।
କବିତା ପଢ଼ିଲେ, ଭାଳେଣି ପଡ଼ିବ
ଲୋକ ଭାବିବେ ଅନେକ କିଛି ।
ତେଣୁ କବିତାର ନାଁ ,ଗୋପନ ନ କରି
"ହେ ମୋର ଚିଙ୍ଗୁଡ଼ି "ରଖିଦେଇଛି ।।
ବି. ଦ୍ର- ଦୁଇ ମାସ ହେବ ଚିଙ୍ଗୁଡ଼ି ନ ଖାଇ ଥିବାରୁ ଚିଙ୍ଗୁଡ଼ି ମାଛ ପ୍ରତି ଥିବା ସ୍ନେହ, ଶ୍ରଦ୍ଧା ଓ ଭଲ ପାଇବା |
ହଠାତ୍ କବି - ଜ୍ୟୋତିପ୍ରକାଶ ଦାଶ
-