Kobtan aynu ku noolnahay
Qof daacada ka waayoo
Haatan waan ku daalaye
Inaan kali ahaadiyo
Kun inaan shukaamiyaan
Kala dooro leeyehee
Bal waxaad ku talisaan
Komantiga kusoo qora.

-

Hasaawihiyo caahaqu
Hal qudhaata maahee
Kala garo haboonney
Hadaladda macaanee
Lagu dago haweenkana
Hore lagama qaatee
Waa layska hubiyaa
Ninka kuu hanwayn iyo
Kii hantaaqo kula raba

-

Ruuxa qiimihiisiyo
Garta qaayihiisiyo
Wuxuu dheeryay qayrkii
Qawlka uu yidhaahdaa
Qalbiyada dadkoo idil
Qisuu kaga tagaayoo
Waa loo qushuucaa

-

Madaxdeena maantiyo
Masuuliyiinta jira ee
Maamula xafiisyadu
Ma eegaan aqoon iyo
Mihnad ruux yaqaannee
waxay mudnaanta siiyaan
Ninka maalka haystiyo
Magac kay wadaagaan

-

Adigoon naftaada iyo dabarin nolosha qoyskaaga
Naf inaad jacayl ku beertaa niyad jab weeyaane
Nimankii hore murtiday noo tabsheen waxay inoo sheegi
Nin daryeela tiisaa naflaha taakulayn kara,e
Nin martiyi miyuu soori karaa manfac nimaan haysan.

-

Dhammaan xubnahaaga iyo
Dhuuxiyo lafahaaga iyo
Dhismaha ku dhexyaal qalbiga
Ka dhawr aadmigoo dhan oo
Furaha ruux qudha u dhiib
Dhaayaha isaguun ku eeg
Dhagaha siiyo ka maqal
Wuxuu kugu dhiirriyee
Wanaagu ku dheehanyahay

-

Inay nolol dhistaan iyo
Axdi labada meel dhiga
Bal maxaa dhaqaaliyo
Dhib wixii ku keenaya
Ee kala dhantaalaya
Shardi looga dhigayaa
Ee laysku dhibayaa

-

Adoon dhaawicin naftaada
Oo aan dhib u gaysan tayda
Jacaylku miyuu dhab kaayay

-

Inta dumar kor saarane ku dul noo aduunyada
Kumaan arag adoo kale kawnkan aynu joognee
Quruxdaada kiiney miyaan koobi karayaa
kashaydiyo qalbigaba anaa kuu furaaya,e
Kalgacayl xad dhaafaana anigaa ku siiniye
Cidna kulama simayoo kaa raaci maayo,e
kaamana tagaayoo kula guursan maayo,e
Kaalay aynu midawnoo xalaal ayn ku kulanee

-