मी तुला सर्वस्व अर्पण केले, तुझे जग माझे मानले
मी तोडूनी रेशमी बंध माहेरचे तुझे गोकुळ फुलवले
सुगंधित चंदनवृक्षाला कालसर्पाचा दंश झाला
चार भिंतीत माझ्या अस्तित्वाला पूर्णविराम मिळाला
उंच भरारी घेण्याचे माझे स्वप्न हवेतच विरून गेले
जेव्हा माझ्या कलागुणांचा वटवृक्ष निर्वंश झाला
मी तुला सर्वस्व अर्पण केले, तुझे जग माझे मानले
मी तोडूनी रेशमी बंध माहेरचे तुझे गोकुळ फुलवले
तुझ्या प्रवासात तुझ्यासोबत दूरवर चालताना
वाटले होते एकदा तरी तू माझी दखल घेशील
माझे मत निदान एकदातरी आवर्जून विचारशील
पण आशेचा या वेलीला पालवी फुटलीच नाही
मी तुला सर्वस्व अर्पण केले, तुझे जग माझे मानले
मी तोडूनी रेशमी बंध माहेरचे तुझे गोकुळ फुलवले
-