Ik raah seedhi pakad chale the hum,
Chalte chalte, jaane kitne mausam gaye,
Isi raah pe, kisi mod pe, tum mil gaye,
Usi mod pe, kuch pal guzar gaye, aur kisi ek pal main hum kho gaye,
Tere saath saath kho gaye,
Kho gaye toh saath ruk gaye,
Raah bhulaake, usi mod ko manzil maan ke, sapne dekh so gaye.
Soye aise, ki aankhen sapno se bhaari, na khuli
Aur jab khuli, hum ruke wahi the,
Par akele the, tum kaha gaye ?
Bhulaai jo raah thi humne,
Usiko pakad, tum aage ho gaye,
Par hum wahi ruk gaye, reh gaye
Yaadon ko dhare, intezaar me, ruke ruke hee hum beh gaye.
-