Jesmi Jaison   (ജെസ്മി ജെയ്സൻ)
437 Followers · 90 Following

🌼ഇവിടം ശൂന്യമാണ് 🌼
Joined 4 November 2018


🌼ഇവിടം ശൂന്യമാണ് 🌼
Joined 4 November 2018
12 FEB 2022 AT 17:24



അനാഥരുടെ പറുദീസ...


— % &

-


14 JUL 2020 AT 23:58

"കാറ്റു പറഞ്ഞതും കടലു പറഞ്ഞതും കാലം പറഞ്ഞതും പൊള്ളാണേ...."

-


5 JUL 2020 AT 22:30

വിധിയിലെഴുതിയ ലേഖനം
വായിച്ചു കഴിയുമ്പോള്‍
കവിളിലെ നീരു വറ്റും വരെ,
നിതാന്തമായ നിദ്രയവള്‍ക്ക്
കൂട്ടിരിക്കാറുണ്ട്...

-


30 JUN 2020 AT 0:09

ഒരു തണുത്ത മഴക്കാലതത്
പോയകാലത്തിന്റെ വേലിയേറ്റങ്ങളില്‍ പെട്ടെന്റെയിറയത്തെക്കൊഴുകിയെത്തിയ
വരികളായിരുന്നവന്‍...
പിന്നീടൊരുരുള്‍പൊട്ടലില്‍,
ചിന്തകളുടെ മഴവെള്ളപാച്ചിലില്‍
കുത്തിയൊലിച്ചില്ലാതായോരു കവിത.
എന്റെ മാത്രം കവിത...

-


17 JUN 2020 AT 22:40

"പരേതന്റെ കാവ്യം രചിക്കാന്‍
കാബൂളില്‍ നിന്നും ഒരാള് വന്നു
ചോരമണമുള്ള മഷി കൊണ്ടയാള്‍
എഴുതിതുടങ്ങി...
കണ്ണില്‍ പിരിമുറുക്കത്തിന്റെ വീര്‍പ്പുമുട്ടല്‍,
കാതടപ്പിക്കുന്ന സീല്‍ക്കാരങ്ങൾ...
ചൂളയില്‍ വെന്തുറഞ്ഞപോലുള്ള മാംസപേശികള്‍..
തീവ്രവാദം അണപൊട്ടിയൊഴുകുന്ന കാബൂള്‍
അതെ അതയാൾ തന്നെ...,
കാബൂളിന്റെ സ്വന്തം കാബൂളിവാല... "

-


4 JUN 2020 AT 20:29

മോഹിച്ചതൊക്കെ ഇവിടെ ദാ ഈ കൈയെത്തും ദൂരത്ത് ഇണ്ട്.

കൈ നീട്ടി പിടിക്കുന്നതല്ലെ അതിന്റെ ഒരു ശെരി...!?

അല്ല, അതങ്ങനെ വളഞ്ഞന്നെ പിടിക്കണം. കണക്കില് വഴിയെഴുതി കൂട്ടും പോലെ...

അതാവുമ്പോ ശെരിയായ വഴിലേ അങ്ങടെത്തു...

-


4 JUN 2020 AT 13:52

കട്ടിലിന്റെ നാലതിരുകള്‍ക്കുള്ളില്‍ ജനിച്ച്
അതിൽ തന്നെ മരണമടഞ്ഞ കഥകൾ...
കാലപ്പഴക്കം ചെന്ന ഓര്‍മ്മകളുടെ
കണക്കു പുസ്തകത്തില്‍
കടിഞ്ഞാണിട്ട് നിറുത്തിയ വരികള്‍...

വടക്കേ ഇന്ത്യയില്‍ ബാലറ്റ് പെട്ടിയില്‍
നിന്നും തെന്നി വീണ് മരിച്ച വോട്ടുകള്‍...
തെക്കന്‍ കേരളത്തില്‍ കനത്ത മഴയില്‍
കുതിര്‍ന്ന കടലാസു വഞ്ചികള്‍....

കാറ്റിനൊന്നും ഇപ്പൊ പണ്ടത്തെ
സ്നേഹമില്ലടോ..! ഇവിടെല്ലാം മായയാണ്.
ഗേറ്റിനു വെളിയിലേക്കുളള
ലോകം അത്ര എളുപ്പമല്ല.
അവളുടെ കല്യാണം കൂടി
കഴിഞ്ഞാല്‍ പിന്നെ ഒറ്റക്കായില്ലേ..!?

തൊടിയില് നല്ല ചക്ക പഴുത്ത്
കിടപ്പുണ്ട് ഒന്ന് കേറിയിടാൻ
ഇവിടാരാ ഇള്ളത്‌!?
ഇനിയിപ്പോ ആർക്കും ഒന്നും
വീതം വെയ്ക്കാനില്ലല്ലോ.!?
ഭൂമി തന്നെ മറ്റാരുടെയൊക്കെയോ സ്വന്തമല്ലെ...!?

-


3 JUN 2020 AT 1:04

എനിക്കു ബലിയിടാൻ
അവളുടെ കൈയും പിടിച്ച് നീ വരണം
മടിക്കാതെ വിളമ്പി വിളിക്കണം
മനസ്സോടെ നീയൂട്ടണം
മറക്കാതെ വരും ഞാന്‍
എനിക്കുള്ള ബലിചോറുണ്ണാന്‍
ബലികാക്കയായ്...

-


3 JUN 2020 AT 0:33

പണ്ടൊരിക്കല്‍ പടിയിറങ്ങി
പോയെന്റെ ഹൃദയം
കുടിയിരിക്കാനൊരവസരം യാചിച്ച്
ഇന്നെലെയെന്റെ പടിവാതില്‍ക്കല്‍
വന്ന് വിളിച്ചു...
മുറിപ്പാടുകള്‍ വച്ച്കെട്ടി ഞാനൊരിടം കൊടുത്തു
ഇനിയീ പടികെട്ട് താണ്ടില്ലെന്നുറപ്പോടെ...

-


2 JUN 2020 AT 22:10


ഏതാഴത്തിലും നീന്തി കയറുന്നവന്‍
അന്നൊരിക്കല്‍ തിരികെ വന്നില്ല.
ഒടുക്കത്തിരമാലകളുടെ മടിക്കുത്തിലേക്ക്,
നീരൊഴുക്കുകളുടെ കടലാഴങ്ങളിലേക്ക്
ഉള്‍വലിഞ്ഞു...

ഇന്നവന്റെ ഓര്‍മ്മദിനമാണ്
കടലെടുത്ത കിനാക്കളുടെ
ഉറവ വറ്റിയ ഉറവിടങ്ങള്‍
തേടിയുള്ള പ്രയാണത്തില്‍
അവനൊഴുകുന്നിടങ്ങളിലെല്ലാം
മുഖം ചേര്‍ത്തുറങ്ങണം
കരയുറങ്ങും നോവില്‍
കടലിരമ്പും പോലെ....

-


Fetching Jesmi Jaison Quotes