کہتی ہیں گھنگھور گھٹائیں
آپ ہمیں ملہار سنائیں

مرتے وقت فرشتہ بولے
کیمرہ دیکھ کے ہاتھ ہلائیں

ویسے اتنی بات نہیں تھی
آپ کو جانا ہے تو جائیں

بے سمتی ہے میں ہوں تم ہو
اور یہ ناہنجار ہوائیں

باتوں سے کچھ کام ہے میرا؟
مجھ کو کام کی بات بتائیں

وہ، مایوس نگاہوں والی
اُس سے میری بات کرائیں

اپنے اپنے زخم سمیٹیں
اپنا اپنا بوجھ اٹھائیں

دھرتی ماں آغوش بھرے گی
بین کریں گی بوڑھی مائیں

وسیم حیدر

-

افسوس تو یہ ہے کہ میں تمہارے ہونٹوں کے لمس سے تا عمر محروم رہوں گا ،تمہارا بوسہ کیسا ہے یہ جانے بغیر مر جاؤں گا

-

لوگ جام و سبو کے دیکھتے ہیں
ہم نشے گفت گُو کے دیکھتے ہیں

گلستاں سے ہماری دوستی ہے
مشغلے رنگ و بُو کے دیکھتے ہیں

اُن کو حیرت سے دیکھتا ہوں میں اور
مجھ کو رشتے لہو کے دیکھتے ہیں

کچھ سے قدرت نے چھین لیں آنکھیں
کچھ بِنا جستجو کے دیکھتے ہیں

ایسی حسرت سے اُس کو دیکھتا ہوں
جیسے روٹی کو بھوکے دیکھتے ہیں

لُٹ رہا ہے تمام رختِ حیات
قافلے آرزو کے دیکھتے ہیں

وسیم حیدر.

-

ایک کلائی تھام کے میں اس سوچ میں گم ہوں
پھولوں کو گجرا پہنایا جا سکتا ہے۔۔۔!!

Aik kalaee thaam k me is soch me gum hun
Pholon ko gajra pehnaya ja sakta hy..!

وسیم

-

پھر تری مختاری ءِ عالم کا کیا
میں نے تجھ سے کچھ نہیں مانگا اگر

Phir teri mukhtaari e aalam ka kia...!
Me ny tujh sy kuch nahi manga agar

وسیم

-

جس طرح میں سوچتا ہوں اُس طرح
سوچتا ہوں اصل میں ہوتا اگر!

Jis trah me sochta hun us trah
Sochta hun Asl me hota agar.!

وسیم

-

زندگی نیند کا جھٹکا ہے ، زرا آنکھ لگے

چونک اٹھتے ہیں کوئی خواب نہیں دیکھتے ہیں

وسیم

-

آپ کو میں جواب کیا دوں گا
آپ کا تو کوئی جواب نہیں

Ap ko me jawab kia dunga
Aap ka to koi jawab Nahi..

وسیم

-

کام جو ہیں خراب دنیا میں
تم کرو گر تو وہ خراب نہیں

Kaam jo hen kharab dunya me
Tum kro gar to wo kharab nahi

وسیم

-

لمس یاداشت رکھتے ہیں۔۔۔۔

Lams Yadasht rakhty hen...

-