நீண்ட தயக்கத்திற்கு 
பின்னே
விழிமேல் பட்ட
மழைத்துளியை
விரல்தொட்டு
விலக்காமல்
இதழ் ஒற்றியெடுத்த
அவனிடம் என் உறுதி 
அவ்வளவுதான்!

-

நீட்டிய கரத்தில் எதைக்
குவிகிறதிந்த மழைத்துளிகள்...
முதல் சொட்டிலெழுந்த சில்லிப்பு
உயிர் வரையில் ஊடுருவி உறங்கி
கிடந்த உற்சாகத்தையெல்லாம்
உடலெங்கும் பரவிட செய்து...
அழுத்தி கிடந்த பாரமெல்லாம்
கரைந்தோடி காணாமற் செய்திட
எதை நிரப்புகிறதிந்த மாயத்துளிகள்...
எதுவொன்றுமில்லாத நிர்மலமான
பிறந்த குழந்தையாக்கிட மனதை...!

-

உன் மெளனமும்
என் வார்த்தைகளும்
என் வெட்கமும்
உன் ஸ்பரிசங்களும்
ஒன்றான தருணம் தான்..
மழைத்துளிகள் வானில்
எழுதிய கவிதைகள்..
நட்சத்திரங்களாய்
மாற்றம் பெற்றது!

-

வான் சிந்திய
வியர்வைத் துளிகள்
ஒத்தடம் கொடுக்குது
தொட்டும் தொடாமலே!

-

கறுத்த மேகங்கள்
மட்டுமல்ல
கணமான விழிகளும்
மழைத்துளி சிந்தும்
சில வறண்ட
உள்ளங்களை
குளிர்விக்க!!

-

வான் தேவதைகள்
என் வீட்டு வாசலுக்கு
படையெடுக்கின்றன...!
நள்ளிரவு முதல்...!
என்மேல் முத்தமிட...!
~மழைத்துளி


💞க.கொ.மணிவேல்...🖋️

-

வாட்டி யெடுக்கும் சூரியனுக்கு
எதிர்பாரா பரிசாக மழைத்துளிகள்
அவளின் மின்னல் பார்வையால்..!!

-

தூறலுக்காக நீட்டிய
கைகளில்...
தூவிப் போகிறாய்
நம் மழைக்கால
ஞாபகங்களை...!

-

சரியாய் கடக்கும்
நேரம் பார்த்து...
அதுவரையில்
உதிராமல் பார்த்து
கொண்ட பூக்களை
உதிர்த்து விடும்
மரக்கிளையும்...
அந்த மரக்கிளையில்
ஓய்வெடுக்கும்
மழைத்துளியை
உலுக்கி விடும்
பெரும் காற்றும்...
உன் சார்பாய் வம்பிழுக்க
நியமிக்கப்பட்ட தூதுவர்கள்
போல...!

-

கலந்து
நிற்கும்
மேகங்களின்
அணிவகுப்பே!
துளிதுளியாய்
மண்ணில்...

-