இருக்கும் வரைக்கும்
உயிர் துடிக்கும்
இறந்த பின்னும்
என் எழுத்து இருக்கும்..

-

உன்னுடனான கூடல்கள் அனைத்தும்
உண்மையும் தூய்மையுமான
உடல்கள் தாண்டிய
உயிரின் கூடலாகும்..!

-

உறைந்து கிடந்த
உணர்வுகளுக்கு
உறுதுணையாய்
உயிர் தீ மூட்டி
உருக வைத்தாய்
உறவை மலரச்செய்தாய்...

-

கனவை கிழித்து
உயிரை விலக்கி
உரசிக்கொல்லும்
உன் பார்வைகள்....
அடிக்கடி என்னை
அழகாக்கி பார்க்கிறது
கண்ணாடியில்!

-

திருமணமாகவில்லை
தாய்மை அடைந்து
விட்டேன்!
தாயாகவில்லை
உன் அரவணைப்பைச்
சுமந்து கொண்டேன்!

'நீதானே என் முதல்
குழந்தை 2.0'

-

மேகப் பந்தலுக்குள்
ஒளிந்து புன்னகைக்கும்
அவ் ஒற்றை ஒளிச் சுடர்...
அட்சதை தூவும் தென்றல்
அதனோடு கமழும் பூ வாசம்..
நம்மோடு சேர்ந்து ஊர்வலம்
செல்ல காத்திருக்கும் நீரலைகள்..
இயற்கையின் தலைமையில்
காதல் கலந்து இசைபாடும்
மரம் செடி கொடிகள்...
உருவமறியா இவ்வுலகமறியா
நம் உணர்வுகளால் மட்டுமே
கைகோர்த்து உறவாகிட
வரம் ஒன்றை கேட்கிறேன்...
கனவிலேனும் கணவனாகிடு
என் உயிருமானவனே!

-

மீட்டெடுக்கவே முயல்கிறேன்
நீ உயிர்ப்பித்த நம் காதலை...

-

மூச்சு விடுவதால்
மட்டும்...
உயிர் வாழ்வதாய்
அர்த்தமாகி விடாது...!

-

அணுக்களே ஆள்கிறது
அகிலத்தை...
கண்களுக்கு புலப்படாத
உன்னைப் போல்..

-

*தோட்டாக்களின் கண்ணீர் அஞ்சலி*

உணர்வற்ற எனக்கும்
உணர்வு வந்தது
போராளிகளின் மார்பை
துளைத்த போது
உணர்வுள்ள தோட்டாக்களாய்
பிறந்திருந்தால் மார்பில்
பாயும் முன்னே மண்ணில்
பாய்ந்து தற்கொலை
செய்திருப்பேன்..!

(தூத்துக்குடி)

-