ସେଦିନ ସ୍କୁଲ ରେ "rainy day "ଘୋଷଣା କରାଗଲା. ମୁଁ ପୁରା କୁଦା ମାରି ଘରକୁ ଯିବା ପାଇଁ rainycoat ବ୍ୟାଗ ରୁ ବାହାର କଲି. ବାପା ମୋ ପାଇଁ ନୂଆ କରି କିଣିକି ଆଣିଥିଲେ,ଏଥର ବର୍ଷା ଦିନ ପାଇଁ. ସ୍କୁଲ ରୁ ବାହାରି ବାଁ ପଟେ ଗଲେ ଗୋଟେ ପୋଲ ପଡେ, ଭାବିଲି ଜଲଦି ଘର କୁ ଯିବା ଅପେକ୍ଷା,ଟିକେ ବୁଲା ବୁଲି କରି ଯିବି.ପୋଲ ପାଖରେ ଗୋଟେ ବିରାଟ ବର ଗଛ ଅଛି.ସେଠି ସାଇକେଲ ଟା କୁ ରଖି, କାଗଜ ଡଙ୍ଗା ତିଆରି ପୋଲ ତଳକୁ ଯାଇ ବର୍ଷା ପାଣି ରେ ଭସେଇ ବୋଲି ଭାବିଲି.ହଠାତ ଗଛ ଆରପଟରୁ କାହାରି କଥା ବାର୍ତା ଶୁଣିବାକୁ ପାଇଲି. ମୋର ସମ ବୟସ୍କ ଗୋଟେ ପିଲାମାନେ ତା ସାନ ଭାଇ କୁ ଧରି,ବର୍ଷା ରେ ମୁଣ୍ଡ ଗୁଞ୍ଜିବା ପାଇଁ ଠିଆ ହୋଇଛି.ମୋତେ ଦେଖି ଟିକେ ଡରିଗଲା. ମୁଁ raincoat ଟା ପିନ୍ଧିକି ପୁରା କୋଈ ମୀଲଗୟା ଚଳଚିତ୍ର ର ଯାଦୁ ଭଳିଆ ଦେଖା ଯାଉଥିଲି. ପରେ ପାଖକୁ ଯାଇ କଥା ହେବାରୁ ଜାଣିଲି,ପାଖରେ ଥିବା ବସ୍ତି ରେ ସେ ରୁହେ,କିନ୍ତୁ ଏତେ ବର୍ଷା ଯୋଗୁ ତା ଘର ପାଣି ରେ ବୁଡି ଯାଇଛି. ମୁଁ ତ ତାକୁ ପୋଲ ତଳକୁ ସାଙ୍ଗ ହୋଇ ଯିବା ପାଇଁ ପଚାରିବାକୁ ଆସିଥିଲି. କିନ୍ତୁ ତାର ନିଜର ଘର ହିଁ ନାହିଁ. Raincot କାଢିକି ତାକୁ ପିନ୍ଧିବାକୁ ଦେଲି.ପ୍ରଥମେ ମନା କଲା. ଜଲଦି ଛୁଟି ହଇଯାଇଥିବାରୁ ଲଞ୍ଚ ବକ୍ସ ରେ ଖାଇବା ଥିଲା.ବକ୍ସ ଟା ତାକୁ ନେଇକି ଦେଲି.ମୁଁ ସାଇକେଲ କାଢି ଘରକୁ ଯିବା ପାଇଁ ପେଡାଲ ମାରିଲା ବେଳକୁ,ପଛରୁ ସେ କହିଲା,ଥାଙ୍କ ୟୁ!ଘରେ ପହଂଚି ବା ଯାଏଁ ତାରି କଥା ଖାଲି ଭାବି ହେଉଥିଲି,ସେ ଇଂଲିଶ କେମିତି କହିଲା? ଘରେ ସମସ୍ତେ ମୋ କଥା ଶୁଣି ନ ରାଗିବା ଆଉ ଖୁସି ହେଇ ସାବସି ଦେବା,ମୋତେ ଚକିତ କଲା.ଏବେ ବି ମୁଁ ଭାବେ ସେଇଦିନ ବର୍ଷା କିଛି ଅଲଗା ପ୍ରକାରର ବରଷି ଥିଲା.
-