આંખો એ ધરી વેદના, ને હૈયું રિસાઈ ગયું,
આજ ફરી તારી વાટ જોઈ ને નજર થાકી,
ને કાજળ રેલાઈ ગયું........
સમય ની ધીરજ ખૂટી , ને તમસ ફેલાઈ ગયું,
આજ ફરી આશા ના કિરણો ઓઝલ થયા,
ને કાજળ રેલાઈ ગયું........
મન ના વહેમ તૂટ્યા, ને ધૂંધળું સૌ સાફ દેખાઈ ગયું,
આજ ફરી વિશ્વાસ નું મૂલ્ય શૂન્ય સાબિત થયું,
ને કાજળ રેલાઈ ગયું........
પગ થરથર ધ્રુજયા , ને મક્કમ મન ફંગોળાઈ ગયું,
આજ ફરી તારા નામનો મલકતો શૃંગાર કરમાઈ ગયો,
ને કાજળ રેલાઈ ગયું..........
શબ્દો ને લાગ્યો કાટ, ને મૌન અધરે રોકાઈ ગયું,
આજ ફરી ઉદાસી ના અસવારે એકલતા ઘેરી વળી,
ને કાજળ રેલાઈ ગયું........
-