ನನಗೆ ಕನ್ನಡ...
ನನಗೆ ಬೇರೆ ಭಾಷೆ ಗೊತ್ತಿಲ್ಲ
ಹಾಗಾಗಿ ನಾ ಕನ್ನಡಿಗನಲ್ಲ
ಕನ್ನಡ ನನ್ನ ಜೀವದ ನುಡಿ
ನಾನಲ್ಲದೆ ಇನ್ನಾರು ನುಡಿವರು.
ನನಗೆ ಬೇರೆ ಸಂಸ್ಕೃತಿ ಗೊತ್ತಿಲ್ಲ
ಹಾಗಾಗಿ ನಾ ಕನ್ನಡವ ಪೂಜಿಸಿಲ್ಲ
ಕನ್ನಡಾಂಬೆ ನನ್ನ ಮಾತೆ
ನಾನಲ್ಲದೆ ಇನ್ನಾರು ಪೂಜಿಸುವರು.
ನನಗೆ ಅನ್ಯ ನಾಡು ಗೊತ್ತಿಲ್ಲ
ಹಾಗಾಗಿ ನಾ ಕರುನಾಡಿನವನಲ್ಲ
ಕನ್ನಡ ನಾಡು ನನ್ನ ಸ್ವರ್ಗ
ನಾನಲ್ಲದೆ ಇನ್ನಾರು ಅನುಭವಿಸುವರು.
ನನಗೆ ಅನ್ಯ ಆಹಾರ ಗೊತ್ತಿಲ್ಲ
ಹಾಗಾಗಿ ನಾ ಅನ್ನವ ಆರಾಧಿಸಿಲ್ಲ
ಅನ್ನದಾತನು ಮಥಿಸಿದ ಅಮೃತ
ನಾನಲ್ಲದೆ ಇನ್ನಾರು ಸವಿಯುವರು
ನನಗೆ ಕನ್ನಡವೇ ಮಿಗಿಲು
ಬೇಕಿಲ್ಲ ಇನ್ಯಾವ ಘಮಲು
ಕನ್ನಡವೇ ಶಕ್ತಿ, ಕನ್ನಡವೇ ನನ್ನುಕ್ತಿ
ಕನ್ನಡ ಮಣ್ಣೇ ನನ್ನ ದೇಹದ ಹೊದಿಕೆ..
ಜೈ ಕನ್ನಡಾಂಬೆ
-