இதையெல்லாம் யார் உருவாக்கினார்கள்
எப்படி கண்டுபிடித்தார்கள்
இப்போதும் எப்போதும் வியக்கிறேன்
அரிசியை எப்படி சமைப்பது என்று
யார் முதலில் சொன்னது
கூட்டும் குழம்பும் யார் சொல்லித்தந்தது
பாலை புளிக்கச் செய்து கடைந்தால்
வெண்ணையாகும் என்று எங்கு தெரிந்தது
பழக்கூழை உறைய வைத்து பனிக்கூழாக்க
திராட்சைப் பழத்தில் வைன் செய்ய
யார் சொல்லித் தந்தது!
ஒரு நாள் நாம் சந்திக்கையில்
மூளை அறிவிக்கும் முன்னரே
நம் இதழ்கள் முத்தமிடுவதை
எங்கு கற்றுக் கொண்டது!
-