காரணங்களை வெளிப்படுத்த முடியாத போதில்தான் பொய்கள் எழுகின்றன!

-

நடிக்க தெரியாத அன்பில்
இருப்பது கோபமும்
சண்டையும் மட்டுமே...
அதுவும் வெறுப்பாக அல்ல வெறுக்கப்பட்டு விட கூடாது என்பதற்காக...

-

-

எல்லாமாய் இருக்கும் அம்மாவிற்கு
எப்போதும் நேரமில்லை
அவளாக இருக்க மட்டும்..

-

முதன் முதலில் கவிதை
எழுதும் போது

உளறல்களில்
ஆரம்பித்த வரிகள்

உதறல்களில்
முடிந்தது உணர்வுகள்

நல்லாருக்குமா நல்லாருக்காதா
என்று வினா வினவியது

சிந்தனையில் தொடர்கிறேன்
எண்ணங்களில் பயணிக்கிறேன்

பற்றற்ற வரிகளில் பற்றுக் கொண்டேன்
கவிதைகளின் சுவாசமாக
மாறிப்போனேன்

-

சொல்ல முடியாத வலிகளுக்கு
கவிதை ஔடதம் ஆகிறது...

-

தயக்கமில்லாமல்
தட்டிவிட்டு போகும்
அலட்சியங்களுக்கு
தெரிந்திருக்காது...
விரைவில் அவை
ஏக்கங்களாக மாற
போவதை...!

-

வித்தியாசம் நம் பார்வையில் உள்ளது.

-