Abhi toh zara si awaaz hui hai,
Abhi toh shor hona baaki hai..
Jis jism ki cheekhe tumhe sunai na di,
Abhi toh un cheekho ki goonj baaki hai..
Yeh jo badan par nishaan diye hai tumne,
Abhi toh unka marham baaki hai..
Wo jo sadko par dupatta uda diya tha tumne,
Abhi toh wahi fanda tumhe bandhna baaki hai..
Mere chehre ki khaal pighal padhi thi jab tezaab feka tha tumne,
Abhi toh tumahri rooh ka jalna baaki hai..
Mera wajood chheenne ki koshish ki thi tumne,
Abhi toh mere sapno ki nayi udaan bharna baaki hai..
Yeh jo sawalaat khade kiye hai na tumne mujhpr,
Abhi toh unka ek ek jawaab tumse lena baaki hai..
-