ಎಲ್ಲೋ ಹುಟ್ಟಿ ಎಲ್ಲೋ ಬೆಳೆದು,
ಒಬ್ಬರೊನ್ನೊಬ್ಬರು ಇಲ್ಲಿಯವರೆಗೂ ಕಾದು,
ಜೊತೆಗೂಡಿ ಜೀವನ ಸಾಗಿಸಲು ತೀರ್ಮಾನಿಸಿದ ದಿನವದು,
ಸಕಲ ಸಮರ್ಪಣೆಯೊಂದಿಗೆ ಕೈ ಹಿಡಿದು ಒಂದಾದ ಘಳಿಗೆಯದು,
ಸರ್ವರ ಸಮ್ಮತಿಯ ಮೇರೆಗೆ ಇಬ್ಬರ ಜೀವನ ನಿಶ್ಚಯವಾದ ಕಾಲವದು...
ಅವಶ್ಯವಿತ್ತು ನಮ್ಮನೆಗೆ ನವಸದಸ್ಯರ ಆಗಮನ,
ಬಂದಾಯಿತು ವಿವಾಹದ ಮೂಲಕ ಈ ಶುಭದಿನ,
ಶುರುವಾಗುವುದು ನಿಮ್ಮಿಬ್ಬರ ಸಂಗಮದ ಜೀವನ,
ನಿಮ್ಮಿಬ್ಬಿರ ದಾಂಪತ್ಯಕ್ಕೆ ಶುಭ ಹಾರೈಸುತ್ತಿದೆ ನನ್ನ ಮನ,
ಕಾಲಕಾಲಕ್ಕೂ ಖುಷಿಯಿಂದ ತುಂಬಿರಲಿ ನಿಮ್ಮಿಬ್ಬರ ಜೀವನ...
ಸಮ್ಮಿಲನದ ಸಮಯಕ್ಕೆ ಸಾಕ್ಷಿಯಾದ ಸಂಬಂಧಿಕರ ಸಾಲು,
ಜೀವನದುದ್ದಕ್ಕೂ ಹರಿಯುತಿರಲಿ ಸಂತಸದ ಹೊನಲು,
ನಿಮ್ಮ ಪ್ರೀತಿಗೆ ಪುರಾವೆಯಾಗಲಿದೆ ತುಪ್ಪದೊಂದಿಗೆರೆದ ಹಾಲು,
ನನ್ನದೊಂದು ಸ್ವಾರ್ಥ ನನಗೊಂದಿಷ್ಟಿರಲಿ ನಿಮ್ಮ ಪ್ರೀತಿಯಲ್ಲಿ ಪಾಲು...
-