ती प्रेयसी माझी,
मी प्रियकर तिचा.
ती थंड गुलाबी हवा,
मी तप्त सूर्य जसा.

मी कंटाळवाणा निबंध,
ती मनमिळावू कविता.
मी तिला ऐकत धुंद,
ती माझ्यामध्ये बेधुंद!

-

समोर त्याच्या जाताच मी भारावून जाते
जणू स्वप्नात त्याच्या मी हरवून जाते...!

समोर त्याच्या जाताच हास्य माझे खुलते
हेच कारण असावे की मन ही माझे फुलते...!

हसायची किंमत तो नेहमी विचारत असतो मला
खुळी मी काय सांगणार हसायची किंमत त्याला...!

सर्वकाही मनातलं मी त्यालाच सांगत असते
न सांगताही सर्वकाही त्याला कळत असते...!

कधी मैत्री तर कधी सोबती बनून साथ देतो
असाच तो आरसा माझा नेहमी मला हाक देतो...!

-

विसरुनही विसरता येत नाहीत ते दिवस
कारण त्यातच आयुष्याचा रस होता

लांब होऊनही कुणाला विसरलो नाही
कारण वर्गच आमचा खास होता

आजही आठवतात ते आमचे खेळ
ते मामाचं पत्र अन ती गांधीजींची माकडं

कधी डोंगरपाणी तर कधी टिकलीचा खेळ
शाळा सुटायची तरी पुरत नसे आम्हांला वेळ

त्या दुपारच्या खिचडीची मजाच वेगळी होती
मला मला म्हणत सगळीच पळत होती

पताका लावायला ही सगळ्यांची होती गडबड
खरंच खुप छान होती तेव्हाची ती बडबड

स्वार्थ नव्हता कशातच सगळे निर्मळ होते
खरंच तेव्हा सर्वजण खुप प्रेमळ होते...

❤️ खुप प्रेमळ होते ❤️

-

तिला ही वाटत नसेल का
कधीतरी तिने ही बिनधास्त जगावं
संसाराच्या वेलीला बाजूला सारून
हट्ट तिचा ही पुर्ण करावं...

दुधावरची साय होती ती
संसाराच्या वेलीत इतकी गुंतली गेली
तिला ही स्वतंत्र हवंय
हे तर ती विसरुनच गेली...

तिला ही वाटत नसेल का
परत एकदा साय व्हावं
अलगद कोणीतरी मऊ स्पर्शाने
तळहातावर घ्यावं...

तिला हवं तरी काय असतं सर्वांनी हसावं
स्वतः मात्र रडून रडून स्वत:वरच रुसावं
सर्वांसाठीच तर सर्व करत असते ती
दुसरं कोणी नसुन एक गृहिणी असते ती...

-

तू माझा भास मी तुझा सुहास ....

खूप पाहायचो वाट मी पण
कोणाची हे मला समजेना
नक्की काय मागत होत हे मन
कशाची हाव मला उमजेना

चालत होतो एकटा असा
दिवस जाई दिवस येई
पाहिला एक दिवस तो ससा
मन माझं मोहून घेई

हि उपमा देण्याचा भाषेचा खेळ
मला आता काही खेळता येईना
लिहितोय पण बसेना माझा मेळ
मला माझी लेखणी आज साथ देईना

क्षण मिठीत प्रिये तुला घेण्याचा
मज खूप खास वाटत असे
भास होई तू जवळ येण्याचा
उघड्या डोळ्यांनी पाहतो स्वप्न जसे

-

काय दोष होता देवा माझा
मी तर तुझ्याच लेकरांना वाचवत होतो
माझ्या जीवाची पर्वा न करता
मी भयंकर रोगाशी लढत होतो

तुझं रूप घेऊन देवा
मी जागोजागी उभा होतो
कधी डॉक्टर तर कधी पोलीस बनून
मी सर्वांना सावधान करत होतो

तुझ्या लेकरांसाठी देवा
मी घरच्यांचाही विचार केला नाही
तू पाठीशी आहेस म्हणून
कोणतीही भीती मी मनात आणली नाही

पण काळानेच माझा घात केला
तुझ्या लेकरांना वाचवताना मात्र माझाच जीव गेला
खंत याची नाही की मी जीव गमावला
समाधान वाटते की तुझ्या लेकरांचा प्राण मी वाचवला

देवाचं रूप घेऊन सेवा करण्याची
मला खरी संधी मिळाली
इतकही सोपं नसतं देव होणं
ही व्यथा ही मला चांगलीच कळाली

-

पाणी

आज आहे पाण्याचा सोहळा
जमला लोंकांचा मेळवा,
काय सांगू महत्त्व पाण्याचं
गुणवत्ता कमी पडेल हे सांगण्याच,
सृष्टी चालेना याच्या बीना
जीवन अपुर पाण्या वीणा,
पण मित्रहो,
याची कमी आता दिसू लागली
गरज पाण्याची भासू लागली,
लोकांना हे समजेना
काय करावं उमजेना,
प्रश्न हा मोठा पडला
आपल्या आयुष्यात असा कसा घडला,
पण मित्र हो,
अता तरी समजून घ्यावं
अद्दल ही स्वतःतच घडवून घ्यावं,
उगाचच कुणी म्हणत नाही,
पाणी अडवा आणि पानी जिरवा
हे सुद्धा लोकांन पर्यंत्त तुम्हीच कळवा,
आणि मित्रहो,
शेवट आपल एकच म्हंन लक्षात ठेवा
भु मध्ये असेल जल
तरच वाचेल आपला उद्याचा कल
जर भु मध्येच नसेल जल तर
कसा काय वाचेल आपला उद्याचा कल
कारण,सृष्टी चालेना याच्या बीना
जीवन अपुर पाण्या वीना....

-

तु सोबत असताना
एकटेपणा वाटलाच नाही
बोलण्यात तुझ्या परकेपणा
मला कधी भासलाच नाही...!

माझ्या मनातील सर्वकाही
न सांगताच तुला कळले होते
तुझ्यातली ही जादू पाहून
मन ही तुझ्याकडेच वळले होते...!

पायातले पैंजण बोलावे तसे
डोळे तुझे बोलत होते
कोवळ्या या मनाला माझ्या
पालवी प्रमाणे ‌जपत होते...!

-

नाही कधीही तो पहाटे उजाडतो,
ना ही सायंकाळी घरी तो परततो,
ना ही त्याने मानली आजपर्यंत हार,
कारण, सुर्य आहे एक महान कलाकार.

घडते त्याच्यामुळे पुर्ण ही सृष्टी,
त्याच्यामुळेच मिळाली प्रत्याकाला दृष्टी,
अजुनही वाट पाहतात दिशा चार,
कारण, सुर्य आहे एक महान कलाकार.

कायम दिसतो तो आकाशात तो नारंगी,
त्याच्याशिवाय प्रत्येकाचे जीवन आहे बेरंगी,
करतो तो प्रत्येक चित्रकाराच्या मनात वार,
कारण, सुर्य आहे एक महान कलाकार.

भरदुपारी आगी सारखा तापतो तो रवी,
त्याच्यावरतीच भास्य करतोय हा कवी,
करतो तो प्रत्येक ठिकाणी चमत्कार,
कारण, सुर्य आहे एक महान कलाकार.

नाही लागत त्यास राज्यासाठी दरबार,
स्वत: काम करून पिकवतो तो शिवार,
शेतकरी देखील आहे त्याचा एक परिवार,
कारण, सुर्य आहे एक महान कलाकार.

-