आधुनिक युगात नव्वदीच्या दशकाची झलक जपून ठेवायला,
घराचा कारभार घरातील ज्येष्ठ व्यक्तीनेच हाकायला,
आई-वडिलांची श्रावणबाळ बनून सेवा करायला,
मोठ्या माणसांचा आदर करून संस्कार जपायला.
दिवसाची सुरुवात भगवंताच्या नामस्मरणाने करायला,
संध्याकाळी घरात अंगत- पंगत जेवणाचा घाट घालायला,
आपल्या मुलांना आपल्या काळातील गोट्या,
विटी-दांडू, सुरपारंब्यासारखे खेळ शिकवायला.
चप्पल, बूट न घालता कधीतरी जमीनीवर अनवाणीच चालायला,
मोबाईल बाजूला सारून सगळ्यांसोबत गप्पांची मैफिल रंगवायला,
सुट्टीच्या दिवशी सगळ्यांनी मिळून एकत्र टीव्ही पाहायला,
सणवार सगळ्यांनी एकत्रितपणे साजरे करायला.
काळ्या आईच्या दर्शनाला कधीतरी शेतात जायला,
आताच्या काळात जगताना जुना काळ ही आपल्यात जिवंत ठेवायला,
धकाधकीच्या जीवनात झाडांसारखा मोकळा श्वास घेयला,
जमतंय का बघा यातलं आपल्याला काहीतरी करायला.
- Sojar Bongale
-