ആത്മാവുകൾ
അപരിചിതമാവുമ്പോൾ
ഉടലുകൾ
പ്രണയത്തിലാവുന്നതെങ്ങനെ..
വൈകൃതമായ വികാര
പ്രകടനങ്ങൾക്കപ്പുറം
ഹൃദയാഴങ്ങളിൽ
ഉറവയെടുക്കുന്ന
പ്രേമരസങ്ങളിൽ
ലയിച്ചുചേരുന്നതെങ്ങനെ....
ഭ്രാന്തമായ ഒരു സ്നേഹം കൊണ്ട്
ഹൃദയത്തിന്റെ താളബോധം
നഷ്ടമാവുന്ന നിമിഷങ്ങളിൽ
നിരാശയിൽ കുതിർന്ന
തലയിണക്കീഴിൽ ജീവിതം
ഒളിപ്പിച്ചു വെക്കുന്ന
ഓരോ മനസ്സും
വിതുമ്പുന്നുണ്ടായിരിക്കും..
ഉടലിൽ നിന്നും വേർപ്പെട്ടുപോയ
ആത്‍മവിനെ ഒരു മാത്രയെങ്കിലും
തന്നിലെ ജ്വലിക്കുന്ന
പ്രണയം കൊണ്ടൊന്നു
ചേർത്ത് പുണരുവാൻ...!!

-

വായിക്കുന്നവന്റെ
ഹൃദയം തൊടുന്നത്
എന്നും,
ഹൃദയം കൊണ്ട്
എഴുതിയതത്രേ.!

-

ജീവന്റെ തുടിപ്പ് നിലനിർത്താൻ
ഒരു നേരത്തെ ഭക്ഷണം നീ നൽകിയിരുന്നില്ല... ആ ആത്‌മാവിനെ തൃപ്തിപെടുത്താൻ നാലുകൂട്ടം പായസം നിരത്തി പ്രഹസനം കാണിച്ചു വീണ്ടും അപമാനിക്കരുത് ആ ആത്‌മാവിനെ....

-

കുങ്കുമം

ഒരിറ്റു നുള്ളിനുള്ളിൽ ഒരായിരം പ്രണയം ഒളിച്ചുവെച്ച മന്ത്രികം..
പുലർച്ചെയുള്ള പാച്ചിലിനു മുൻപ് തിരുനെറ്റിയിൽ അവൾ ചാലിച്ചിരുന്ന ഐശ്വര്യം..
പറയാതെ അറിയാതെ അവളെ പ്രണയിച്ചിരുന്നപ്പോൾ അവൾ അറിയാതെ കാത്തിരുന്ന വിസ്മയം...
പിന്നീട് ഒരിക്കൽ പ്രണയം പറഞ്ഞപ്പോൾ ചിരിച്ചുകൊണ്ട് കവിളിൽ അവൾ തന്ന ഉമ്മതൻ സ്‌മാരകം....
കാലങ്ങളുടെ കാത്തിരിപ്പിനൊടുവിൽ വിപ്ലവപൂർവം അവളുടെ മൂർദ്ധാവിൽ ചാലിച്ച സിന്ധുരം..
പ്രണയം കൈ മാറിയ നിമിഷങ്ങളിൽ അവളുടെ മേനിയിൽ അണിഞ്ഞ ലാവണ്യം...
പിന്നീട് ഒരിക്കൽ എല്ലാം ഉപേക്ഷിച്ചു എന്നോട് വിട പറഞ്ഞപ്പോൾ, ആ അവസാന ചുംബനത്തിൽ എന്നെ പിരിയാൻ മറന്ന അവളുടെ പ്രാണന്റെ ശകലം....
ഇന്നും മുടങ്ങാതെ അവളുടെ അസ്ഥിത്തറയിൽ വിളക്ക് വെക്കുമ്പോൾ ഒരിറ്റ് കണ്ണീരുമായി മുടങ്ങാതെ ഞാൻ ചാലിക്കുന്ന കുങ്കുമം.

-

ചിന്തതൻ മണ്ണിലായ് മുളച്ചെൻ,
ഉള്ളിലായ് പടർന്നേറീ മൊട്ടിട്ട്.
വിരിഞ്ഞ ഭ്രാന്തിൻ പൂക്കളാണീ,
എഴുത്തൊക്കെയും.

-

കഥകൾ മറന്ന്
കദനങ്ങൾ മറന്ന്
കണ്ണീരിൽ കുതിർന്ന
കനവുകൾ മറന്ന്
ഒന്നുമറിയാത്ത
കുഞ്ഞു പൈതലായ്
കരുണതൻ വാത്സല്യ
കൈകളിലായൊരു
ദിനമെങ്കിലും ഉറങ്ങേണം..

-

നിനച്ചിരുന്ന് മനസ്സിനുള്ളിൽ കുറിച്ചിടുന്നതിനേക്കാൾ ഇഷ്ട്ടം
നിനയ്ക്കാത്തന്നേരങ്ങളിൽ മനസ്സുതന്നെ കുറിച്ചുക്കൂട്ടുന്നതാണ്.

-

മൈക്രോ ആർട്ട്‌
============
ചീന്തിയരിഞ്ഞൊരാ ഹൃദയം പുറത്തെടുത്തതും മെല്ലെ
മിനുക്കി മിനുക്കി ഹൃദയമുനയിൽ
തുറിപ്പിച്ച അക്ഷരം ഉണ്ടാക്കിയും
കലാവിരുത് കാണിക്കവെ.
എഴുതി വിരിയിച്ച അക്ഷരങ്ങളും
ജീവൻ തുടുപ്പിച്ച വരകളും അന്ന്
ആത്മഹത്യക്ക് മുതിർന്നു. വീണ്ടും
എടുത്തുപയോഗിക്കുവാനാവാത്തവിധം
ആ അരും കൊല കൈകളെ
വിറപ്പിച്ചുകൊണ്ടിരിക്കുന്നു.
മനസ്സ് മരവിച്ചിടത്തുനിന്നു എന്ത്
പ്രായിശ്ചിത്യം ചെയ്യണം ഈ പാപമോചനത്തിനായ്.

-

No Facebook
No Insta
No WhatsApp
ആൾകൂട്ടത്തിൽ എന്നെ തിരിച്ചറിയുന്ന
നല്ല സുഹൃത്തുക്കൾ ഉണ്ട് എനിക്ക്

-

അങ്ങിനെ എത്രയെത്ര
പ്രണയങ്ങളാണ്
പുഞ്ചിരിയിൽ തുടങ്ങി
മൗനങ്ങളെ തച്ചുടച്ച്
പൂത്തുലയുന്നത്...

-