• • •
Meri ek kahani thi,
Mera bhi ek kissa tha,
Ek shakhs se aashnayi aisi thi,
Woh meri shayari ka hissa tha.
Main girti thi woh sahara tha,
Main dooboo'n to woh kinara tha,
Mere wajood mein shaamil woh,
Har ghum mein usko pukaara tha.
Meri rooh mein aqs uska tha,
Mere jism pey naqsh uska tha,
Mere Chehre ko usne nikhara tha,
Meri shakhsiyat ko usne sawaara tha.
Na ab woh shakhs raha,
Na uska koi ehsaas hai,
Abhi kal hi raat ki toh baat hai,
Woh khwaahish ab toota hua khwaab hai.
• • •
-