Ye tumse pehli pehli baatein,
Ye door hoti hichak,
Ye lambi lambi raatein..
Yun tumhara har baat pe bebaaki se bolna,
Jo man me hai, wo zubaan pe hai,
shabdon ko na tolna..
Ye tumhari saadgi,
Ye tumhara apnapan,
Dil se bas jaise nikalne ko hi hai dhadkan..
Nayi si ye shuruaat hai,
Naye naye zazbaat hain..
Kuch pyaari si umeedein,
Kuch meethe meethe khwaab hain..
Thaamenge haath ik duje ka,
Toh poori har mannat hogi..
Haan is bematlab ke jahaan mein,
Apni bhi ik chhoti si jannat hogi..
-