જીવનનાં કપરાં ચઢાણ કશુંક શીખવી જાય છે,
તોફાની સફર છતાંયે નાવ દરિયો તરી જાય છે.
જીવન રાહમાં મળે છે ઠોકરો અનેક ઓ મનવા,
કંટકો સહન કરનારા જ ફૂલોની સેજ કરી જાય છે.
દર્દ પીડા સહીને કલમ પણ થઈ ગઈ છે ઘણી કઠોર,
હોય કવનમાં સંવેદનાતો શબ્દો પણ અડી જાય છે.
આ સફળતાનાં રસ્તે મળશે તને ઘણાંય અંતરાયો,
અથાગ પ્રયત્નથી મુશ્કેલ મંઝિલ પણ મળી જાય છે.
મુશ્કેલ ને કઠોર જીવનનાં પાઠ જ કરે છે તારું ઘડતર,
હોય વિશ્વાસ ખુદ પર તો અંતરાયો પણ ટળી જાય છે.
-