એમનાં દિલમાં ઉતારો નથી,
દર્દમાં તોયે વધારો નથી.
જીત તો એ મેળવી ઝંખશે,
હારીને પાછળ જનારો નથી.
સ્મિત રાખે મીઠડું એમનું,
માત્ર આ દરિયો જ ખારો નથી.
કેટલી ફરિયાદ હુંયે કરું,
આપનો આધાર સારો નથી.
કેટલાં છીએ નજીક આપણે,
શ્વાસ લેવાનોય વારો નથી!
પ્યાર તું પણ તો કરે જ છે,
વાત જૂદી, એકધારો નથી.
એ વહે છે એમની એ રીતે,
આંસુઓનો તો કિનારો નથી!
આમ જૂઓ તો, તમારો જ છું,
આમ જૂઓ તો, તમારો નથી.
હાલ ના પૂછો અમારો તમે,
ત્યાં સુધી કોઈ સુધારો નથી.
અક્ષ લાચાર થાઓ તમે,
એમને તો કાંઈ આરો નથી.
થાય મૃત્યું આપનું તોય બસ,
અક્ષ બીજો કોઈ ચારો નથી.
-