राजस्थानी 💗

-

हां सा ✍️

-

घणा पंचा सूँ न्याय बिगड़े ,घणी बातां सूं साथ ,
घणुं धन बैर करावे ,घर की दाई गाँव भण्डाव l

-

"मृत्युभोज मिटावो रे"

जठै आगणे पूत बिलखे,
बिलखे उणरी माय।
बठै जाय रे मानवी,
जिबड़लिया स्वाद कियां आय।

मोट्यार सूं गठजोड़ टूटग्यो,
विधवा बठै रोय।
थालिया भर भर चाव सूं खावो,
पीड़ा थाने नी होय।

मिनख जग सूं ग्यो'परो, पाछौ नी आसी,
धरम दिखावा री आड़, मानवी भोग गणा खासी।

भूखो बैठो, बेटों मोटोडो उणरी भूक मिटावो रे,
आंधा रियोडा फिरो बावळा, झूठो मान क्यूं बढ़ावो रे।

क्यूं पंचा लारे गेला रिया, क्यूं थे लुटाओ रे,
"पारासरियो" करे बिणती, अबे मृत्युभोज मिटावो रे।

-

खुशियाँ भी
बड़ी बेगैरत निकलीं
बेहद खूबसूरती से
धोखा दे गईं l

-

शील डूँगरी माथे बिराजे
मात शीतला नाम हैं बाजै
राँधा पूआ जग ओ बणावै
भात लापसी रो भोग लगावै
दही राबड़ी सूँ ठंडा करवावे
बारें अचपड़ा बोदरी निकट न आवै
जै नर नारी शीळा साता ध्यावें
बारां सगळा पाप ठंडा पर ज्यावै

आप सगळा ने शीळा साता री मोकळी बधायाँ

-

जीवण रि असल खुशी खुद र मायने है
पछ चाहे थे महल म हो या झोपड़ा म!




Pic by Priyanka Bhati

-

माटी रो ओढ़णों, माटी रो बिछोणों।
बादळा तळे होसी माटी रो सिरहाणों।
काया री झूठी शान धरो ना 'अनुरागी'
उण दिण तो माटी म्हे ही मिळ जाणों।

-

बसंत (राजस्थानी हाइकु)

पीळो केशर..
रंग है कसुमळ...
बसंत आग्यौ.

-

राजस्थानी हाइकु

बेळ्ण तवौ,
दिज्यौ अठी नै थौड़ों,
रोट्यां कर दूँ....

-