मुलाकडच्यांनी होकार कळवला की,
बाप आनंदात नाचू लागतो पण,
आपली चिमणी घरट सोडून जाणार
म्हणून तो लगेच डोळ्यात पाणीही आणतो ।
हुंडा त्यांनी मागितला तेवढा देतो
पण बिचारा इकडे कितीतरी कर्ज काढतो,
कसलाही स्वार्थ नसतो बापाचा तो तर
सगळ काही मुलीच्या सुखासाठी करतो ।
मुलाकडच्यांना काही चुकल तर माफ करा
पाहुण म्हणून फक्त एकच तो म्हणत असतो,
मुलीच्या नजरआड जाऊन तो
इकडे तिकडे बघत डोळे पुसत असतो ।
हसत खेळत राहणारा बाप मुलीच्या
लग्नादिवशी थोडा गंभीरच असतो
त्या दिवशी कोणी कितीही मोठा जोक मारला,
तरीही तो काही हसत नसतो ।
मुलीलाही बापाची खुप काळजी असते
कधी कधी ती त्यांची आई बनते ,
बाबा तुम्ही तुमच्या गोळ्या वेळेवर का घेत नाही
म्हणून ती कधी कधी त्यांना रागवते ।
बाबा तुम्ही मला दादा पेक्षाही
जास्त जीव लावला होता ,म्हणूनच का
आज माझ कन्यादान करताना
तुमचा हात थरथरला होता ।
-