।।श्री।।
मित्र असावा कृष्णासारखा,
कुरूक्षेत्री जो सारथ्य करेल
मित्र असावा पाण्यासारखा,
स्वच्छ..अन् पारदर्शी असेल
मित्र असावा आरशासारखा,
गुण..अवगुण जो व्यक्त करेल
मित्र असावा सूर्यासारखा,
आयुष्य जो प्रकाशीत करेल
मित्र असावा मनासारखा,
विश्वासाने जो सारं ऐकेल
मित्र असावा श्वासांसारखा,
मृत्यूपर्यंत जो साथ करेल
मित्र असावा आत्म्यासारखा,
अंतरंगातही जो पसरेल !
या सारखा मित्र असेल तर अशा लाख अडचणींवर मात करायला कोणीही सिद्ध असेल...फक्त मैत्रीमध्ये निस्सीम विश्वास असावा, अंध नाही, जाविवेतून निर्माण झालेला विश्वास ज्यासाठी मैत्रीचा खरा कस लागतो.. विश्वास नसेल तर मैत्री पक्षाने सोडलेल्या घरट्यासारखी दिसते...भकास !
©कृष्णार्पण❤️
-