Jo Na Kaha Kabhi, Wo Keh To Dunga,
Tum Ye Sunn Paaoge Kya ?
Main Phir Se Pukaru Tera Naam Agar,
Tum Phir Laut Aaoge Kya ?
Khud Ko Main Kitna Majboor Bhi Kar Loon,
Tanha Rehna Dastoor Bhi Kar Loon,
Agar Bikhar Jaaye Ye Duniya Meri,
Tum Phir Sajaaoge Kya?
Main Phir Se ....
Saazishein Ye Zamana, Har Roz Karta Hai,
Mujhse Ye Khuda, Bewajah Hi Ladta Hai,
Agar Haar Jaaun, Iss Sitam Se Kabhi,
Tum Mujhko Bachaoge Kya?
Main Phir Se ....
Meri Khushiyaan Hai Tujhse, Teri Khushiyaan Mujhse Nahi,
Naraaz Hua Hoon Khud Se, Shikwa Koi Tujhse Nahi,
Kabhi Zaroorat Ho Mere Saath Ki,
Tum Mujhko Bulaaoge Kya?
Main Phir Se ....
Manzilo Ko Juda, Jo Tumne Kiya Hai,
Humne Bhi Tera, Aitbaar Kiya Hai,
Ehsaas Ho Kabhi, Tumhe Ishq Ka Mere,
Tum Ghile Ye Mitaaoge Kya ?
Main Phir Se ....
Jhooti Hasi To Hasta Hi Hoon,
Khud Ko Jazbaato Mein Kasta Hi Hoon,
Tut Jaaye Kabhi, Ye Sabr Kahin,
Tum Mujhko Rulaaoge Kya?
Main Phir Se ....
Patthar Si Ye Aankhein Hai Jaagi Hui,
Saansein Bhi Kahin Hai, Bhaagi Hui,
Thak Jaaun Agar Uljhano Se Kabhi,
Tum Mujhko Sulaaoge Kya?
Main Phir Se ....
-