ಹುಟ್ಟು ಸಾವು ನಂತರದ ಬದುಕು
ಇಹ ಪರ ಲೋಕ, ಮುಕ್ತಿ
ಹುಟ್ಟಿದ ಮೇಲೆ ಸಾವು ನಿಶ್ಚಿತ
ಹೀಗೆ
ಅಧ್ಯಾತ್ಮ ವಾಗಿ ಏನೇನೋ ಮಾತನಾಡಬಹುದು...
ನಮಗಾಗಿಯೇ ಪ್ರತಿ ಕ್ಷಣ ಬದುಕಿದ
ಅಪ್ಪಾ ಈಗಿಲ್ಲ ಎನ್ನುವ ಸತ್ಯವ ಅರಗಿಸಿಕೊಳ್ಳಲು ಮನಸ್ಸು ಒಪ್ಪುವುದೇ ಇಲ್ಲ...
ಅಪ್ಪಾ ಈಗ ಎಲ್ಲಿದ್ದಾರೆ ? ..
ಸದಾ ನಮಗಾಗಿ ಕಾಯುವ ಅಪ್ಪಾ
ಈಗ ನಮ್ಮನ್ನು ತೊರೆದು ಹೇಗಿದ್ದಾರೆ??
ಒಂದೇ ಒಂದು ಸಾರಿ ನೋಡಲು ಸಿಗಬಹುದೇ?? .
ಒಂದೇ ಒಂದು ಸಲ ಅವರ ಮಾತುಗಳ ಆಲಿಸಬಹುದೇ??
ಅದು ಹೇಗೆ ನಮ್ಮನ್ನು ಬಿಟ್ಟು ಹೋಗುತ್ತಾರೆ ??
ಎನ್ನುವ ಎಳಸು ಪ್ರಶ್ನೆಗಳಿಗೆ
ಉತ್ತರವೇ ಇಲ್ಲ..
ನೀ ತೊರೆದ ಪ್ರಪಂಚದಲ್ಲಿ
ಎಲ್ಲವೂ , ಎಲ್ಲರೂ ಅಪರಿಚಿತರು
ಎನ್ನುವುದೊಂದೇ ಕಟು ಸತ್ಯ..
ನೀನು ಕಟ್ಟಿಕೊಟ್ಟ ಬದುಕನ್ನು
ನೀನು ನಮಗಾಗಿ ಬಿಟ್ಟುಹೋದ ನೆನಪುಗಳ ಹೊತ್ತು
ನಮಗಾಗಿ ಕೂಡಿಟ್ಟ ಕನಸುಗಳ ನನಸಾಗಿಸುವುದೇ ಈ ಜೀವನ..
-