Tu sharab ke nashe si nahi,
Chai ke chaske si mujhpar hawi hai,
Aur tere lie to me zamane se lad bhi lu,
Par tu hi sab ke lie kafi hai.

-

DARAAR

Bant kar vo ek Desh Ko...
Do Desh Bana ke chle gye...
R zimmedar to hum hi hai is baat ke bhi...
Jo man ke gairo ki baat ...
Apno Ko apno se alag kar gaye..!!

Aur azaadi ke us Khushi me..
Alahadgi ke asu bhi to bahe hi hoge..
Par afsoos...
Kuch to Hindustani ho gye...
Kuch ne khudko Pakistani Bata Dia...
Aur jo kuch samajdaar the...
Unhone khudko Insaan hi apna lia..!!

-

Bekhauf uthti hai kuch ankhen...
Bekhauf uthte hai kuch kadam...
Bekhauf in logo ke karan...
Khauf me jeete hai hum...

Jab 8 saal ki lakshmi school ke lie nikalti hai...
Apni Beti ko dekhkar maa baap ki ankhen chamakti hai...
Par bekhauf kuch ankhen lakshmi ko nichta se ghurti hai...
Fir yahi nich ankhen darindagi me badalti hai...
Fir darindagi ki sari hade todi jati hai..
Haivaniyat ki sari seemaee langhi jati hai...
Bedardi ki us vaardat ko dekh kar...
Besharmi bhi sharminda ho jati...
Dardnaak us alam ko dekhakar...
Sabki roohe kaap si jati hai...
Jab hmari lakshmi ki khoon se sani laash ghar pe aati...
Us laash ko dekhkar bas ek baat samaj me aati hai...
Bhot cheekhi hogi hmri beti...
R uski cheekho me sirf ek baat sunai de jaati hai...
R usko bato me kuch sawaal sunai de jate hai...
"Lohe ki rod se kon pyar jatata haii..?
Noch ke kharoch ke kon apna banata hai...?"
Aur in sawalo ko sunkar..
ab bhi na khoon khaule tumhara...
Agar ab bhi kadam nhi uthana chahte ho...
To intezam karo....
Apni beti ko bachaane ka...!!

-

Humne kaha...

Gauri ka nahi...
Desh ke gaurav ka katl kar aae ho tum...
Aur is baat ka anjam itna khafnaak hoga...
Ki uski aag me jhulas jaoge tum...

Fir unhone ghururiat se jawab dia...


Khabar ko thoda purana hone do...
Apne aap hi ye akrosh bhul jaoge tum..
Aur Kise tum darate ho...
Itni betiyan to bhule ho...
Is beti ko bhi bhul jaoge tumm..


Aur kambkht har baar ki tarah is baar bhi vo shi nikle...
Ek khabar bech ke...
dusri khabar bechne jut jate hai hum..!!

-

Sarhado ke paar jakar mehsus hua...
Fark sirf...
Desh ke namo me hai...
Insano me nahin...!!

-

Emaan bhi out of stock chalra hai aajkal...
Jaldi bik jaya karta hai...!!

-

Yun to khamoshi pasand nahi mujhe...
Par pata nahi kyu...
Sarhad ki khamoshi mujhe hamesha achi lag jaati hai...!

-

Kali siyahi se safed panne par...
jab jung ki baat likhi...
Pata nahi kyu...
Siyahi lal si ho gyi...

-

Pooja bhi mujhme hoti hai...
Azaan bhi mujhme hoti hai...
Har taraf duaon ka samaa hai mujhme...
Kuch hath jod ke...
To kuch faila ke hoti hai...
Jante nahin to batata hu tumhe...
Ye sab chize sirf HINDUSTAAN me hoti hai...!

-

Na me hindustaan ka hona chahta hu...
Na me pakistaan ka hona chahta hu...
Me to bas...
Sukoon se jeena chahta hu...

Beshak me khubsoorti ki misaal hu...
Beshak me jannat ki pehchaan hu...
Par khoon itna bahaa hai mujhme...
Ke me aaj tak lahoo luhaan hu...

Par kyu itni ladai hai mere lie...
Kya khoobsurat hu?...
Islie...pana chahte hai muje?
Ya jannat hu?...
Islie...apnana chahte hai muje?
Par sach se to me bhi wakif hu...
Gurur ki ladai me...
Me hi to inaam hu...

-