നിനക്കേ..
നിന്നെ, നന്നായറിയൂ!!

-

ഞാൻ കണ്ട സ്വപ്‌നങ്ങൾ
പലതും ആത്മഹത്യ ചെയ്തു..

എത്തിപ്പിടിക്കാൻ ആയിട്ടും
തേടി പോകാൻ കൂട്ടാക്കാത്ത
എന്റെ അലസതയുടെ വിഷം
കുടിച്ച്, അവരെല്ലാം സ്വയം
പണ്ടേ ജീവനൊടുക്കി.

-

" ഞാൻ മഴയും
നീ ഭൂമിയും ആയെങ്കിൽ,
ഇടമുറിയാതെ പെയ്ത്
നിന്നിൽ ഞാനൊരു
പ്രണയത്തിൻ പ്രളയം
തീർത്തേനെ! "

-

വീശിയടിക്കാനിരിക്കുന്ന
അടുത്ത വലിയ കാറ്റിൽ
നിലം പൊത്തും എന്നറിഞ്ഞിട്ടും..

കൂടണയുന്ന കിളികൾക്ക്
ചില്ലകൾ നീട്ടുന്ന
വേരറ്റു പോയ ചില മരങ്ങളുണ്ട്
നമുക്ക് ചുറ്റും.

-

പ്രാർത്ഥനകളാണ്..
അടുത്ത ശിശിരത്തിൽ
പഴുത്തിലയായി പൊഴിഞ്ഞു
ഭൂമിയിൽ ലയിക്കും മുന്നേ..

ഇളം കാറ്റിനോടും..
സൂര്യ രശ്മികളോടും..
വണ്ടിനോടും..
കളി പറഞ്ഞു രസിക്കാൻ
ദീർഘായുസ്സിനായുള്ള
പ്രാർത്ഥനയിൽ..!

-

നീറുന്നുണ്ടെൻ മനം പ്രിയേ..
ഓരോ ദിനത്തിലും.
മാറുകില്ലാ ആ ഒരു ശൂന്യത
നിന്നിലലിയുന്ന നാൾ വരെ.

-

കയ്പ്പ് നിറഞ്ഞവളെന്ന്
എല്ലാരും കളിയാക്കിയെങ്കിലും..

കുഞ്ഞി വയറിൽ എല്ലാവർക്കും
മരുന്നൊളിപ്പിച്ചു..

വടക്കേ തൊടിയിലെ
നെല്ലിക്കയമ്മ!!

-

ആ ലഹരിക്ക്, ഔഷധമേന്തി
ഒരാൾ വരുന്നത് വരെ!

-

എന്റെ അജ്ഞതയുടെ ഇരുളിലെപ്പഴോ
വെളിച്ചം വീണപ്പോഴാണ്
എന്റെ അന്ധതയുടെ ആഴം
വെളിവായത്..

-

Nature nurture from nothing
to nothingness

-