જાણે શમણાં નું ખેતર..!
ઉગ્યા કરે છે તું...!

-

નીકળી પડે છે હે...રામ...
બહુ દર્દ થી પીડાય છે...
જયારે જયારે નાજુક હૈયું...
તારા સ્મરણો થી વીંધાય છે...

-

તમે સાંજે મળો તો મને એકલા મળો
કે મારા દિવસ આખાને વળે હાશ :
આવનારી રાતના ઝુમ્મરમાં સળગે નહીં
ઉન્હા ઉજાગરાની પ્યાસ.

આંખો મીંચાય, પછી શમણું ઊગે
એ તો નીંદરમાં બાવળની શૂળ;
ઝાંઝવાની જીવલેણ નદીયું પર બાંધો નહીં
વાયદાના ભાંગેલા પુલ :

એવી તે વાવી કઇ જીવતરમાં ભૂલ
કે તમે મળવામાં આટલા ઉદાસ !

ધોધમાર તડકો કંઇ આછો થયો
અને સાંજની હવા તે બહાવરી;
કાળીકાળી વાદળી ખુલ્લા આકાશમાં
વરસી નહીં કે નહીં આછરી

આદરેલી વાત તમે અધવચ્ચે આંતરી
ને શબ્દોના ટૂંપાયા શ્વાસ !

– જગદીશ જોષી

-

જન્મ લેવા સંઘર્ષ કરતા બાળક જેવા મારા શબ્દો..!
સાચા રસ્તે ચાલ્યા કરતા ચાલક જેવા મારા શબ્દો...!

કદી હસાવે કદી રડાવે, બધી વેદનાને માર્ગ બતાવે...!
સંવેદનાનો ચમકારો કરતા તારક જેવા મારા શબ્દો...!

-

મારા શબ્દો જાણે છે...તારું સરનામું...
મારા નયનો ચાહે છે....તારું સરનામું...!

મેઘવર્ણા બન્યાં છે શબ્દો સઘળા મારા...
મોરપીંછ બતાવે છે.... તારું સરનામું...!

નથી ફક્ત માખણચોર માનસ પણ ચોરે...
હા રાધા તો જાણે છે... તારું સરનામું..!

અત્ર તત્ર સર્વત્ર નિહાળ્યાં કરું છું તુજને..
છતાં અજાણી રાહે છે.... તારું સરનામું...!

મીરાને તો મળી ગયું એક મોહક મુર્તિ મહી..
મારું મન પણ માંગે છે....તારું સરનામું...

-

દુઃખ નું સુદર્શન ફેરવીને તું દુર્ગુણો સૌના કપાતો...
સમજીને તારી લીલાઓ હું મનથી કદી ન હારતો...!

ઘર ઘર આનંદ ભયો છે આજે કૃષ્ણનો જન્મ થયો...
કર્મનો સિધ્ધાંત સમજાય તો માનવ દુષ્કર્મ નાથતો...!

-

કૃષ્ણમય થવું એટલે..
મીઠી મધુરી વાંસળી બની
સૂરોની સરગમમાં સહુને ઘેલા કરવા..

કૃષ્ણમય થવું એટલે
જીવનના દરેક રંગો ને સહર્ષ સ્વીકારી
મોરપીંછ સમ મસ્તકે સજાવવા...

કૃષ્ણમય થવું એટલે
દરેક પાસેથી માખણ એટલે કે શ્રેષ્ઠત્વ ગ્રહણ કરવું
તથા જરૂરીયાત વાળા ને આપવું...

કૃષ્ણમય થવું એટલે
ઉંચ નીચના ભેદ ભૂલી દરેક ને પોતાના ગણી
સૌના સંગે રાસ રચાવવો....

કૃષ્ણમય થવું એટલે
આસૂરીવૃત્તિઓ ને હણવા આતૂર એવું
સુદર્શન ચક્ર બનવું...

કૃષ્ણમય થવું એટલે
ગીતા રૂપી જ્ઞાન ગંગા માં ડુબકી મારીને
શુદ્ધ અને પવિત્ર બનવું...

કૃષ્ણમય થવું એટલે
ગૌવર્ધન પર્વત જેવી મુસીબતોમાં અડગ રહી
સહુના સાથથી ઊકેલ લાવવો...

કૃષ્ણમય થવું એટલે
યોગને જીવન માં ધારણ કરીને
યોગેશ્વર બનવાના રસ્તે પ્રયાણ કરવું...

-

ખળ ખળ વેહતુ પ્રેમનું પવિત્ર ઝરણું તું...!
ડુબ તો ઝાલી રાખું મારૂં પ્યારું તરણું તું...!

-

એક જીવન છે જે તોડયા કરે છે મને .....!
એક દોસ્ત છે જે જોડ્યા કરે છે મને.....!

-

ઇચ્છા નહીં હિત
સાચવે
મિત્રો મૌન વાંચે...

-