Banu indradhanush, aur satrang baatun
Banu Malham, aur kaaya ke rog kaatun

Banu Veena, aur sargam gaaun
Banu saathi, aur kuch apno sa ban jaun

Banu neer, aur pyaas bhujha dun
Banu beej, aur bhuk mita dun

Karun seva har nar-naari
Karun prem har jeev, balihari

Jaise base narayan har nar-naar
Waise hi paun har jeev ko apne hriday naal

Zindagi mein zindagi ko pa lun, tera hath tham
Aisi kripa karo, he prabhu shyam

-

Muraliya baaje mohan murari
Maakhan chate Giridhar dhari

It-ut daude yashoda dulare
Aur mukut mor pankh dhare
Paer payaliya baaje, Ankhiya kajal saaje
Aur kamariya kaala sut dhare

Bole Mohe jhulan jhulai do gop kumari
Natkhat bhahe sabhu jag lila dhari

-

Chal aa, rangon se haath mila lun
Aur galon ko beintehan khilkhilane dun
Chal aa, baarish ki thandi bundon ko pi lun
Aur aansu ko kahin sagar main kho jaane dun
Chal aa, dhoop ki odhni ko odh lun
Aur ankhon ko aashaon se tim-timane dun
Chal aa, nadi ki mithas se pyaas bhuja lun
Bhikhrun ya takraun, par nadi si chalti jaun
Chal aa, gagan se dosti kar lun
Panchhi se failaun pankh, sapnon ko udne dun
Chal aa, dil se dil ke taar jod lun
Sunu dil se aur bhavon ko padh sakun
Chal aa, Sanson ke geet ki dhun par pairon ko thirka lun
Ishwar se madad ko pukarte har dil ko, raat ka tara tofha kar sakun

-

#Writers

Fursat ke do pal,
kisi ki man ki sunne ko,
bas yahi nahi hai kisi ke paas,
kisi ko dene ko...
Shayad isilye is duniya ka
sabse kimti tofha, samay hi hai..
Shayad isiliye is bhagti daudti zindagi main,
aajkal zindagi ke kisse kahaniyan,
sunaye kam, likhe zada jaate hain...

-

Wo puchhte hain humse
Pehle kyon nahi bataya?
Man ne mere phir se ek sawal puchha

Bataun agar wo sawal jiske jawab nahi hain
Bataun agar wo haalath jiska hal nahi hain
Bataun agar wo kisse jo mere hisse nahi hain
Bataun agar wo khamoshi jo kehkar bhi ankahi hai
Bataun agar wo hanjuon ke jazbaat jo mehez alfaaz nahi hain
To kya samajh paoge?

Bataun agar dil purab-pashchim hain par usse judkar jeene ki chahat hai
Bataun agar wo har ibadat-tofhe-tasveer se juda hai
Bataun agar kuchh sapne-raaste-manzil aaj bhi usse jude hain
Bataun agar kalam ke har harf hamesha se usse jude hain
Bataun agar usse jude mere ishk ke koi maayne nahi hain
To kya samajh paoge?

Kya bina ashk bata paungi...ishk to kisi ko bhi kise se bhi ho sakta hai
Batane ke liye kabhi haalath sahi nahi the
To kabhi na samajhoge aise ehsaas bahot the

-

Agar Dost ke baare mein
Khabar kisi aur se pata chale
To samajh lena ki Dosti ke daaghe
Abhi thode kachche hain

-

Tum wo shakti ho meri
Jisse jeet nai sakungi ye sansaar
Par dil zaroor jeet sakungi jo rehte hai is sansaar
Tum wo shakti ho meri
Jo impossible ko possible kar sakti hai
Jo imperfection main bhi perfection dikha sakti hai
Tum wo shakti ho meri
Jis pyar ki shakti ke sahare ban jayenge raaste
Jo us manjil tak le chalegi mujhe jo bani hai mere waaste

-

Wo boond jo paani ki
Jo rehti hai kahin nayano ke kinare
Na girti hai nayono se
Na theherti hai nayano mein
Darti hai phisal na jaaye aakar dariya kinaare
Kahin toot na jaaye ashk ki minaare
Zor zor se palkhe islliye jhapkati hi jaaye
Taaki nayano ki bhulbhulaiya main hi kho jaye

-

Masoom, natkhat ek nanhi si jaan
Liye aankho main aas se bhari muskaan
Wo khilkhilata sa uska chehra
Keh raha tha hai kuch chahton pe pehra
Wo ek jagah betha khuch kuch khel raha tha
Sath hi sath kuch kha bhi raha tha
Ya yun kahun wo use khana khila rahi thi
Wo Maa to nahi thi uski par dulaar kar rahi thi
Wo hame dekh baar baar baahen phela raha tha
Kya mere mummy papa banoge? mano puchh raha tha
#ORPHANAGE

-

Yaar to bahot hai
Par 'yaara' bas tu hi hai

-