తీరం చేరని అలలెన్నో..
కాలం కదపని కథలెన్నో..
మౌనం విడువని జతలెన్నో..
మనసుని వదలని వ్యథలెన్నో..

-

జీవితం కూడా యుద్ధం లాంటిదే...క్షణ క్షణం పోరాడందే విజయం సిద్దించదు...

-

జ్ఞాపకాలు..

మధురోహల పరిమళమై
సుమగంధం వెదజల్లును...!

మోయలేని భారమై
మోడుబారి మిగిలిపోవు..!

౼లక్ష్మీ నారాయణ D.

-

కళ్ళల్లో దాగు కన్నీటి చుక్కలు
కడదాకా తోడు కన్నీటి చుక్కలు
కడలల్లే మారు కన్నీటి చుక్కలు
కవితలై పారు కన్నీటి చుక్కలు
౼లక్ష్మీ నారాయణ D.

-

నీ జీవితం జీవించడానికే
అంతకు మించి ఆలోచించకు

-

ఊహే ఊపిరికి
ఊసయింది
మౌనం మాటయింది

-

నిను మాటల్తో
మరిపించలేక నే
మూగబోతిని

-

జ్ఞాపకమై వెంటాడాలి
జ్ఞానబోధ చేయించాలి
చైతన్యం రగిలించాలి
చైత్రమై చిగురించాలి

-

మది సంద్రంలో
అలజడి రేగె
మరపురాని
జ్ఞాపకాలేవో
మరీచికలై
మరల మరల
ముల్లులా నను
గుచ్చేస్తుంటే

-

కడలి అలల మాదిరి
కనిపించని వ్యథే ఇదా?
కలసి రాని కాలమేమో
కనిపెంచిన ప్రేమదా?
కనులు ఎంత వెతికినా
కంటి పాప దొరకదా?

-లక్మీ నారాయణ D.

-