पुन्हा एक वर्ष सरले
सरतेशेवटी आलेले कडू गोड अनुभव घेवुन
आयुष्याचा प्रवास पुन्हा नव्याने अनुभवायचा...
पुन्हा एक नवं कोर पुस्तक रुपी वर्ष
ज्याचं त्याचं नव्याने लिहायचं...
आणि आपला प्रवास चालू ठेवायचा..
अशाच एका प्रवासाठी शुभेच्छा...

-

बरसूनी अचानक त्याने
सगळीकडे गारवा पसरवला होता...
विरहात हरवलेल्यांचा
रस्ता अजूनच गोंधळला होता...

-

मैत्री

अस एक नात...
ज्याला देवाला रक्तात सुद्धा बांधता आले नाही तर ते मी शब्दात कसं मांडावं...
अस एक नात..
ज्याला बांधण्यासाठी खरतर कुठल्याही बँड्ची गरज नाही तर ते फक्त आणि फक्त मनाने बांधता यायला हवं...

मैत्रीदिनाच्या माझ्या सर्व मित्रपरिवाराला खुप शुभेच्छा....

-

वजा करून त्याला
माझ्या आयुष्यातून
मी शून्य झाले होते ...
पण मला वजा करून
त्याच्याकडे
खूप काही बाकी होते ...

-

वहीच्या कप्यातल्या
पाकळ्या त्या सुकल्यात...
अन् मनाच्या कप्यात
फक्त तुझ्या आठवणीच उरल्यात....

-

तुझ्यापुढे नतमस्तक झाले की
सगळ्या इच्छाचां पडतो विसर...
रूप मनोहर पाहून तुझे
भरून येते सगळीच कसर....

-

पूर्णविराम

नवीन वाक्याला अर्थ तेव्हाच येतो जेव्हा आधीच्या वाक्याला योग्य ठिकाणी पूर्णविराम लागतो... आयुष्याच ही काहीस असच आहे काही गोष्टींना योग्यवेळी पूर्णविराम दिला की पुढच्या गोष्टी खऱ्या अर्थाने जगता येतात...

-

अशाच एका सायंकाळी
तुझी आणि माझी भेट व्हावी ...
चंद्र आणि लाटांच्या साक्षीने
आपली पुन्हा नव्याने ओळख व्हावी ...

-

कोजागिरीचा चंद्र आहे साक्षीला
आपल्या त्या पहिल्या भेटीला...
पुन्हा एकदा उधाण आलंय
तुझ्या त्या आठवणींना...

-

शरदाच चांदणं आज
लख्ख पडल होत..
तुझ्यावरचं प्रेम मी
पुन्हा शब्दात बांधलं होत..

-