Vo ek tasveer dhundhli si,
jo man me sambhal rakhi thi,
aj lagta hai gum ho gayi kahin,
jo poori duniya se chhupa rakhi thi!
Vo tasveer jisme hum sath the,
tere haathon me mere hath the,
duniya ki sacchaiyon se door,
hum khud mein hi bebaak the!
Vo yaadein jo humne saath banayi,
jinhe saath jeene ka tune vaada kiya tha,
umra bhar saath dene ki jo kasam khayi,
kabhi hath na chhodne ka jo daava kiya tha!
Jin vaado ko sach man ke main jeeti thi,
aaj vahi vaade mera mazaak uda rahe hain,
vo tasveer jo kabhi bilkul saaf hua karti thi,
aj uske hi nishaan mit te jaa rahe hain!
-