बाबोसा..
मैं थाणे हिवड़ै री कोर सी
क्यूं म्हाने थै उण देस दीवी
जठै किण रे हिवड़ो ही कोनी..
बाबोसा..
मैं थाणे बागां री चिड़कली सी
क्यूं म्हाने उण बाग दीवी
जठै थाणे जैड़ो माळी ही कोनी..
बाबोसा..
मैं माँसा री लाड़ दुलारी सी
क्यूं म्हाने उण हाथ दीवी
जठै माँ जैड़ो काळजो ही कोनी..
बाबोसा..
मैं भायां रे हिवड़ै रो हार सी
क्यूं म्हाने उण ठौड़ दीवी
जठै म्हारो कोई मान ही कोनी..
बाबोसा..
मैं थाणे सगळा रे जीव री जड़ी सी
क्यूं म्हाने उण ने परणा दीवी
जिणनै म्हारो कोई मोल ही कोनी..
बाबोसा..

- 'जोयस्ती'