//ତୁମେ//

ସ୍ତମ୍ଭ ପରେ ସ୍ତମ୍ଭ ଲେଖୁଛି ମୁଁ ଆଜି,
ଭାବି ଖାଲି ତୁମ କଥା।
ଘଟିଛି ଦୁର୍ଘଟଣା ଛାତି ତଳେ ମୋର,
ଦେଖାଇ କି ପାରିବି ସେ ବ୍ୟଥା।

-

Not all screwed up things are meant to be together.

-

//ଅବ୍ୟକ୍ତ//

ସବୁ ପ୍ରେମ କିନ୍ତୁ ଦିନେ
ଇତିହାସ ହୋଇଯାଏ,
ଠକି ଦିଏ ଆକାଶର ଜହ୍ନ।
ସମ୍ପର୍କର ଭାଷା ସବୁ ଚିତ୍ର ହୋଇ
ଝୁଲିଥାନ୍ତି ସ୍ମୃତିର କାନ୍ଥରେ।
ସମାଜର ଦର୍ପ ଅହଂକାର
କରି ଚାଲେ ଅତ୍ୟାଚାର
ଅବାକ୍ ରହି ଚେଷ୍ଟା କରେ ମୁଁ
ପଢ଼ିବାକୁ ଅସ୍ପଷ୍ଟ ଅକ୍ଷର।
ଅଣନିଃଶ୍ବାସୀ ହୋଇ
ନିରନ୍ଧ୍ର କବାଟ ଦେଇ
ସୃଷ୍ଟି କରେ ଗୋଟେ ଫାଙ୍କ.....
ଧସେଇ ପଶୁ ଦାଲୁକାଏ ପବନ,
ଶୁଭୁଥାଉ ହୃଦୟର ସ୍ପନ୍ଦନ।
ଏବଂ ଶୁଣୁଥାଏ ମୁଁ
ତୁମ ଅକୁହା କଥା
ଅହରହ.....
ସବୁଦିନ....

-

I choose to love you in silence
because in silence
there is no rejection.

-

ଜୀବନର ଅପରାହ୍ନେ,
ତୁ ଯେ ସଜଫୁଟା ଫୁଲ।
ଦିନର ଦହନ ତୁ,
ସଞ୍ଜର ସୁରଭରା ଗଜଲ୍।
ଶୋକର ସମାପ୍ତି ଯେ ତୁ,
ତୁ ସୁଖର ଫସଲ।
ଶୀତଳ ଚନ୍ଦନ ବି ତୁ,
ତୁ ମୋ ଖୁସିର ମହଲ।
ତୁ ଚେତନାର ଚିତ୍ରଲେଖା,
ବିଶ୍ୱାସର ରୁମାଲ।
ଘଡି ସନ୍ଧି ମୂହୁର୍ତ୍ତରେ
ଆଶ୍ୱାସନାର କାଜଲ୍।

-

बगा़वत अगर हल है
तो प्यार मस‌अला क्यों।

-

ଅସଫଳ ପ୍ରେମିକା ମାନେ
ପାଲଟି ଯାନ୍ତି ଆସ୍ ଟ୍ରେ,
କମିଜ୍ ର ଦରଭଙ୍ଗା ବୋତାମ।
ଏବଂ ସମୟର ବ୍ୟବଧାନରେ
ନିଜକୁ ଆବଦ୍ଧ କରି ଖାପଖୁଆଇ
ବଢ଼ି ଚାଲନ୍ତି,
ମନି ପ୍ଲାନ୍ଟ ସଦୃଶ.....
ଓଲ୍ଡ୍ ମଙ୍କ୍ ର ସୁନ୍ଦର ବୋତଲ ଭିତରେ.....🙂

-

କାହାକୁ ଅପେକ୍ଷା ମୋର?

କୁହୁଡ଼ିର କୁହୁକ କାଟି ଖୋଜୁଛି ସେ ମୁହଁଟିଏ
ଚୁଟି ଚୁପି ଆସି କହିବ ମୋ କାନେ,
ତୁମକୁ ମୁଁ ଭଲପାଏ।

ବୁଣିଦେବ ମୋ ପାଇଁ ପ୍ରୀତିର ରୁମାଲ
ତୋଳିଦେବ ତା କଥାରେ ପ୍ରେମର ମହ୍ଲାର
କହିବ ଗୋଲାପି ଓଠୁ ନୂଆ ନୂଆ କଥା
କଳା କବରୀରୁ ଦେବ ବାସ୍ନାର କବିତା
ଜିଇବାର ଆଶ୍ୱସ୍ତି ବୁଣିଦେବ ଯିଏ
ଖୋଜୁଛି ସେଇ ମୁଁହଟିଏ।

:(ପୁଅ ମାନଙ୍କର ଓଠ ବି ଗୋଲାପି ଥାଏ)

ଭିଜେଇବ ମୋ ମନକୁ ମହୁଲି ନିଶାରେ
ଭରିଦେବ ସପନ ମୋ ଅଳସି ଆଖିରେ
ମାଖିଦେବ ନୂଆ ରଙ୍ଗ ଚେତନାରେ ମୋର
ଗୀତିମୟ କରିଦେବ ହୃଦୟେ ଟାଣି ଗାର
କ୍ଷମା କରିଦେବ ସବୁ ଦୋଷ ଯିଏ ମୋର
ଖୋଜୁଛି ସେଇ ମୁଁହଟିଏ।

-

....

-

....

-