பூவுடன் சேர்ந்த நாரும்
மணப்பது போல...
அவள் கேசம் சேர்ந்ததால்
பூவும் மணக்கிறது...

-

அவளில்லா அலுவலகம்...
பிறையில்லா இருள்வானம்...
அவள் நகையில்லா அலுவலகம்...
அவனுக்கு வேதனையான நரகம்...
அவள் குரலில்லா அலுவலகம்...
அவனுக்கு விசும்பில்லா பாலைவனம்...
அவள் உருவில்லா அலுவலகம்...
அவனாவான் அங்கு நடைபிணம்...

-

வாசனைத் திரவியங்களும்
வழக்கொழிந்தன...
மொழிகளும் உவமையின்றி
தலை கவிழ்ந்தன...
இவள் வாசனையை
சமன் செய்யும் முயற்சியில்...

-

முதன் முறை
பணம் மீது
பொறாமை...
😏😏😏
அவள் தொட்டு
தடவி
எண்ணும் போது...

-

இவள் விழியசைவால்
உயிர் தரித்து
அஃறிணையும்
உயர்திணை ஆகின்றது...
# கண்ணாடி

-

பல்லாண்டு கால
தவம் பலித்தது...
தவப்பயனாய்
அவள் தாள்
பற்றிய களிப்பில்
காலணி...

-

எந்த மொழியிலும்
வசப்படவில்லை வார்த்தைகள்...
இவள் உறவை
வரையறை செய்யவும்...
இவள் அழகியலை
வர்ணனை செய்யவும்...

-

ஆயிரமாயிரம்
ஆபத்தான பகுதிகளுக்குச்
சமம்...
அவளின்
எனக்கென்ன கோவம்
நீ சொல்லு...

-

பேருந்தின் தவம்
பலித்து விட்டது...
அவள் கண்ணயர்ந்த
சமயத்தில்...

-

நீ அல்லாத எதுவும்
உனை அல்லாத எதுவும்
மாறுதலுக்கும்
பகிர்தலுக்கும்
உட்பட்டதே...

-