Kabhi mila nahi tumse, magar kyu na Jane aaisa lagta hai. Agar hum mile toh, Baatein dher Saari hogi. kuch sawal honge.. kuch khayal milenge. Kuch dard Kam honge. Kisse beshumar honge. Magar ek Baat toh zaroor hai. Do ajnabi ache dost honge.
Halahal baara Kanth sa Rudra beej tere aasu me Tu bhola sa jo Roop hai Vishal sa hai ssatr tera Tu Himalaya me vaasta Bhramand ka to dev hai. Kehlata tu jatta dhari Tu pavitrata ka Swaroop hai. Tu bhram me jo leen hai Tu maaya ko hai todta Tu bhagya ko bhi jodta. Trishool tere haath me Sri Nandi tere saath me Tu bhasm se nikharta Tere jag me mahanta Tu sansar ko jagata hai Pralay ko bhi dikhata hai Tu Om me vistar hai Pratam se nirvikar hai Tu shreshtt ka pratik sa Bhakti ka tu saar hai Devon ka tu dev hai Tera bhakt hu mere data tu Tera aashirvad muje swikar hai. HAR HAR MAHADEV. ЁЯХЙ Namah Shivaay ЁЯЩПЁЯМ╕
Ghayal toh main pehle se hi tha. Tum ilzaam kyu le rahe ho Kasoor sirf mera hai Maine umeed jo banayi rakhi thi Yeh jan kar bhi ki aage kuch nahi hai Afsoos is baat ka hai ki yeh kambakat dil Jaha sukoon dikhta hai waha kheecha chala Jata hai. Aur waqt ise tod deta hai. Har baar. Magar shayad abhi aadat si hai. Ghayal toh main pehle se hi tha. Tum ilzaam kyu le rahe ho.
Ye dil behak na jaaye isi wajah se aankho me dekh na pau tere Tujhe pata hai na ki teri nazar is tthos dil ko pighla sakhti hai Sab kuch dekh sakti hai Darr is baat ka hai ki is aankh micholi ke khel me mera dil phirse tthos ho na gaye. Agar hua toh is baar teri ek nazar se pighlega nahi. Magar beshak toot jayega ЁЯТФ
Na me kahu kuch bhi Mora mann darr bhola Jab samip ho banda apna Toh kahu kuch shabd sohla Kehte kehte johke se Kahu kuch shabd katthor Mann bisra bache hai ye Shama mafi karo huzoor!