Mere jazbaton ka imtehan na liya karo
Hum badal gyae to palat kar bhi nahi dekhenge

-

Hume naa kahi uska kya gilla
Wo khush hai bass isse fark padta hai

-

Unke intezar mai hum baithe rahe nigahe tika kar
Wo jab dur se dikhe to kisi aur ke kareeb ho chuke the

-

Tasveer mai the wo hamare sath bass
Taqdeer mai kanhi piche chut gaye

-

Bohot kam log milenge jo tumhe kisi aur ka hone ke baad bhi chahenge
Jara plat kar to dekh hamare jaise nasamajh tujhe kanha mil payenge

-

Abke jo milenge tumse to sawal nahi karenge
Jo choot gaya hai piche use yaad nahi karenge
Khuda ki marzi hogi tabhi to sath nahi hai
Ab khuda ki marzi ke hum khilaf nahi chalenge

-

Usne raah aisi badli mai chalna bhul gaya
Usne lafz aise badle mai padhna bhul gaya
Ab tujhe mangu bhi to kaise mangu
Mera khuda aisa badla mai duaen karna bhul gaya

-

Yun naraz na hua karo
Khwabo mai tum bhi kisi ke aate ho
Tumhe bass ilm nahi hai
Nindein tum bhi kisi ki udaa jate ho

-

Unhone jataya ke wo hume behad pyar karte hai
Hamari jarurat padne par aksar hume yaad karte hai
Ye kahani yanhi tak seemit rahe to phir bhi thik hai
Warna aisi dosti se hi log pyar ko badnam karte hai

-

Ye kaise mann le ke wo ab hamara nahi
Kam az kam iss mann ko to hamara rehne do

-