భూదేవికి కష్టమొస్తే వరాహ మూర్తి వచ్చాడనో, సీతమ్మ చెరలో ఉంటె శ్రీ రాముడు వచ్చాడనో , ఇద్దరిని శక్తి హీనుల్లా చూస్తున్నామా?? ఆడతనానికి, అమ్మతనానికి ఆపదోస్తే అడ్డుగా నిలవడం మగ బాధ్యతని అవతారంగా కదిలారు ఐనా వారి యువ శరీర సంఘర్షణకి, మనః ఉద్వేగాలకి అమ్మతనపు సహనానికి నువ్వెంత యోధుడైన సరితూగలవా? ఆ గౌరవం చూపాలని ఒక్కరోజుతో సరిపెట్టగలవా?
అక్షరమే అర్థ శతాబ్దం వెనక్కి వెళ్ళినట్లు వెలితిగా వెక్కి వెక్కి ఏడుస్తుందేమో.... ఆయన లేడన్న దిగ్భ్రాంతిలో... తిరిగి రాడన్న పద కరువులో... తనని కొత్తగా ఆవిష్కరించడన్న ఆవేదనలో...
విప్లవాన్ని ఒక పాటలా రాయడం నిద్రావస్థని తట్టి లేపడం నీ కలానికే సాధ్యం వేల భావాలు చిన్ని కవితలో నింపడం పదాల పొదుపు వాడుకకి నువ్వే ఆరాధ్యం తెలుగు పాటల "సిరి" కి నువ్వే మా "వెన్నెల" ఈనాటి అమావాస్యకి మాకు అందేదెలా?
జగమంతా కుటుంబం నాది అన్నావ్ జనంతో కలిసి ఎడ్చేశాను... కన్నుల్లో నీ రూపమే అంటూ ఉంటె వశమై వింటూ ఉండిపోయాను జామురాతిరి జాబిలమ్మా అని జోలపాడితే కలలు కంటూ కునుకేసాను ప్రయాణాలన్ని నీ పాటలతో నింపుకున్న మాకు ఇంత త్వరగా విడుకోలు ఇవ్వమంటే వీలుకాదు🥺