Abhishek Khamari   (ବିବଧିକ(बिवधिक))
554 Followers · 499 Following

medico
Joined 11 May 2017


medico
Joined 11 May 2017
16 MAY 2017 AT 16:26

ଜୀବନ-ଜଞ୍ଜାଳ ଜ୍ୱାଳା ଜର୍ଜରିତ
ନିଶ୍ୱାସେ ନିରାଶାନଳ ବିନିର୍ଗତ
ପ୍ରାଣବାୟୁ ପ୍ରାଣ-ଆଶା ପ୍ରତିହତ
ମରୁ-ମରୀଚିକା ମହା ଅଭିଶପ୍ତ....

ବିସ୍ମୟରେ ଆଜ ବିସ୍ଫାରିତ ନେତ୍ର
ଅନ୍ଧକାରେ ଗତି ନାହିଁଯେ ଅନ୍ୟତ୍ର
ଦ୍ରୁମପ୍ରାୟ ଦଣ୍ଡାୟମାନ ଦୀର୍ଘଗାତ୍ର
ଶରୀର ଓ ମନ ସତେକିରେ ଯନ୍ତ୍ର?...

ସାଉଁଟି ନିଜକୁ ଭାରାକ୍ରାନ୍ତ ଚିତ୍ତ
କୁହେ ଲକ୍ଷସ୍ଥଳ ହେଉଛି ନିକଟ
ଚଢ଼ିବାକୁ ହେବ ଦୁର୍ଗମ୍ୟପର୍ବତ
ସ୍ଥିରତା ଯେ ଜଡ଼ତ୍ୱ,ତୁ ତ ଏବେ ବି ଜୀବନ୍ତ!!!

-


28 SEP 2020 AT 22:20

बता ए खिजाँ ! क्यों तेरे जहन में नफरतें नहीं आए
ख़ारिज किए बेजान पत्ते बटोरने सर्द रात दौड़ आए ।।

जिनका चेहरा न देखने को मख़्सूस किया था हमने
आज उनके हुजरे में हम बेशर्मी से रोटी तोड़ आए ।।

अलामत-ए-बर्क़ में याद आए बूढ़े दरख़्त के सुराखें
तूफाँ में भीग परिन्दें जो आशियाँ से रूख़ मोड़ आए ।।

भटके रूह-ए-इंसाँ जब पहुंचा शादाब-ए-फिरदौस
हुसूल-ए-एहसास हुआ ,पीछे जन्नत छोड़ आए ।।

दुनिया का आलम तो देख ‘बिबधिक’ दिलशोख़ी में
कल थूक रहे थे,आज उस ज़ानिब हाथ जोड़ आए ।।

-


8 APR 2020 AT 22:19

ଯିଏ,
ଶତାବ୍ଦୀର ଶାଖାରୁ ଶୁଖିଲାପତ୍ର ପରି ଝଡିଯାଇଛି,
ସ୍ୱପ୍ନସମୀର ସୁଅରେ ଉଡ଼ି ଅଜଣାଭୂଇଁରେ ପାଦଦେଇଛି ।
ପରାଜିତ ପର୍ଣ୍ଣଗହଳି ରେ ମୁହଁମାଡ଼ି ପଡିରହିଛି,
ବେଳଅବେଳରେ ସାଉଁଟା ସ୍ମୃତି ପରଶେ ଶିହରିଯାଉଛି ।
ଗୋଧୂଳିର ଗେରୁଆରଙ୍ଗେ ରୁପାର ଗାରପରି ବେଢ଼ିଚାଲିଛି,
ଶେଷଦେଖାରେ ସେ ସରିଯିବା କଥା, କାଇଁ ସାଇତିରଖିଛି?
କଦର୍ଯ୍ୟ କାଳିମାବୋଳି ନିଜକୁ ମୋଠୁଁ ଲୁଚେଇରଖିଛି...
ଅନ୍ତର୍ମନର ଛାଉଣୀ ତଳେ ଛାଇ ଆଲୁଅରେ ଛକାପଞ୍ଝା ଖେଳୁଛି ।

ଦୂରେଇ ଯାଇଛି ସେ ଆତ୍ମୀୟ....
ବାସ୍ତବରେ ଆତ୍ମୀୟ ମୋ ‘ଅସ୍ତିତ୍ବ’ ଜହ୍ନ,ଆଉ ମୁଁ ବାମନପ୍ରାୟ,
ବିସ୍ମୃତ ଚେହେରା ଭିତରେ କାହିଁ ଖୋଜେ ନିଜ ପରିଚୟ ?


-


28 MAR 2020 AT 2:03

ଶୂନ୍ୟସ୍ଥାନ
A love letter to Poetry



(Full poem in caption)

-


30 OCT 2019 AT 13:52

ହେ ଲେଖନୀ !
ହୃତସ୍ପନ୍ଦନର ହାହାକାର ମଧ୍ୟେ ହୁଙ୍କାର ରଡି ଦିଅ...
ଅସମ୍ପୂର୍ଣ୍ଣ ଯେତେ ଆର୍ତ୍ତଚିତ୍କାରକୁ ଆକାର ଦେଇଯାଅ,
ବକ୍ଷବିଦାରି ମୋ ଅବରୁଦ୍ଧ ବାଣୀ ବଖାଣ କରିଯାଅ,
‛କାଲ’ସମାଜର କଳା-କାୟାଦେଶେ କମ୍ପନ କରିଦିଅ ।।

ହେ ଲେଖନୀ !
ତୁମେ ମୋ ମାନସ ମହୀରୁହ...
ଅଜ୍ଞାନ-ମୃତ୍ତିକା ଆବରଣ ଭେଦି ଜ୍ଞାନଜଡ଼ ବିସ୍ତାରିରୁହ,
ଲିପିପତ୍ରେ ଶବ୍ଦ-ସୂର୍ଯ୍ୟକିରଣେ ସାହିତ୍ୟଶ୍ଲେଷଣ ସହ,
ଟାଙ୍ଗରା ନିରସ ପ୍ରାଣମାଟିରେ ଭାଷା ସବୁଜଶ୍ରୀ ଭରିଦିଅ ।।

ହେ ଲେଖନୀ !
‛ପ୍ରିୟ-ଅପ୍ରିୟ’ର ପରିସୀମା ଡେଇଁ ପାରିହୋଇଯାଅ..
ସତ୍ୟମୁଖୁଁ ଅସତ୍ୟ ମୁଖାଖୋଲିବାକୁ ତିଳେ ଶଙ୍କିତ ନ ହୁଅ,
ସତ୍ୟୋନ୍ମଚନେ କାଳି ସରିଲେ,ମୋ ଧମନୀରକ୍ତ ଶୋଷିନିଅ;
ଭାଷାସାହିତ୍ୟ ପୁନର୍ଜୀବନ ନିମନ୍ତେ ଅମୃତହୋଇ ବୁହ ।।

ହେ ଲେଖନୀ !
ଧନ-ଧମକ-ଧର୍ମ ଗୋଲାକଧନ୍ଦା ଧରିଭିଡ଼ିଲେ ବି ନ ରୁହ...
ମାନବୀୟ ମୂଲ୍ୟବୋଧ ଓ ସେବାର ମୌଳିକ ମନ୍ତ୍ର ଗାଅ,
ମୁକ୍ତିକୈନ୍ଦ୍ରିକ ପ୍ରେମଗୀତି,ମାଆମାଟିର ଡାକରାଦିଅ,
ଦେଶରଦୁର୍ଦ୍ଦଶା,ମମତାର ଭାଷା ନିଜ ମୁନେ ଅଙ୍କିଯାଅ ।।

ହେ ଲେଖନୀ !
ତୁମେ ଅନନ୍ତକାଳ ଅନାହତ ହୋଇ ରୁହ,ଅବିରାମ ଚାଲୁଥାଅ ।।


-


21 OCT 2019 AT 0:47

ଅଛୁଆଁ ଦେହ
[ସତ୍ୟଘଟଣା ଉପରେ ଆଧାରିତ]











Read in Caption ...

-


26 SEP 2019 AT 20:22

ବିବିଧବର୍ଣ୍ଣ ଏଣ୍ଡୁଅ ପରି କ୍ଷଣିକେ ବଦଳିଯାଏ ।
ସବୁଜ ସମ୍ଭାର ମଝିଁ ହଳଦିଆ,ଏକଘରିକିଆ ହୁଏ ।
ତନ୍ତୁକୋଷରୁ ଉନ୍ମାଦନାର ଜୈବସାର ମୁକୁଳିଯାଏ ।
ମୋହ-କାଣ୍ଡର ମାୟା ହୁଗୁଳା ହୋଇ ଝୁଲିରହିଯାଏ ।
ଦଲକାଏ ନିରାଶାର ଶୁଷ୍କପବନେ ସହଜେ ଛିଡ଼ି ଯାଏ ।
ମୂଳସହ ସ୍ମୃତିରୋମନ୍ଥନ କରି ଚକାଭଉଁରୀ ଖେଳିଯାଏ ।
ପତିତପତ୍ରରାଜି ଭିତରେ ଅସ୍ତିତ୍ୱ ଖୋଜି ଡରିଯାଏ ।
ଜିଆ-ଖାଦ,ସନ୍ତସନ୍ତିଆ କାଦୁଅରେ ଲୋଟି ଚିହିଁକିଯାଏ ।
ଭୟରେ ଭାସେ....
ଉଷୁମୁଳିଆ ଗନ୍ଧରେ ଫାଟିପଡ଼େ,ନାକ ଚାପିରହିଯାଏ,
ବସନ୍ତର ଧମନୀରେ ହୃତଜୀବନୀଶକ୍ତିର ପ୍ରବାହ ଯାଏଁ ।
ଆଜୀବନ ଶ୍ଲେଷଣଜାତ ସାରର ବର୍ଦ୍ଧନ ଦେଖି ଥମିଯାଏ ।
ଆଖିବୁଜି ବୀଜକବଚରେ ଫାଟଶୁଣି ହସି,ମୋକ୍ଷପାଏ ।

-


25 SEP 2019 AT 20:38

ଆସିବ ଯଦି....
ନିଶା ଅନ୍ଧାରରେ ନିସ୍ତବ୍ଧତା ଭିତରେ ଆସ ।
ଘାସଗାଲିଚାରେ କାକର ହେଇ ଆସ ।
ମଧ୍ୟରାତ୍ରିରେ ଝିଙ୍କାରୀର ଝିଁ ଝିଁ ଶବ୍ଦରେ ଆସ ।
ବିନିଦ୍ର ଆଖିରୁ ବହୁଥିବା ଲୁଣିଆ ଲୁହହେଇ ଆସ ।
ଆସିବ ଯଦି....
କାନ୍ଥଫାଟରୁ ମୁଣ୍ଡ ଟୁଙ୍ଗାରୁଥିବା ଝିଟିପିଟି ହେଇ ଆସ ।
ଉଜାଗର ପ୍ରହରୀର ବିଡି ନିଆଁଝୁଲ ହେଇ ଆସ ।
ଝର୍କାଫାଙ୍କରୁ ଉଙ୍କିମାରୁଥିବା ଜହ୍ନ କଳଙ୍କରେ ଆସ ।
ବୁଢ଼ୀମା’ର କାହାଣୀର ବେତାଳ ହେଇ ଆସ ।

ଆସିଲାବେଳେ ଭୁଲିଯିବନି...
ନିରୋଳାରେ ମାଁ ହାତଆଉଁସା ନିଦଟିକେ ନେଇ ଆସ ।




-


24 SEP 2019 AT 19:37

तुम बारिश की पहली बौछार
मैं बंजर जमीन बेकार हूँ ।

तुम सौन्दर्य की देवी समान
में म्लेच्छ,मूढ़,कदाकार हूँ ।

तुम में अमृत धार बहे जो
में घातक विष फूत्कार हूँ ।

तुम प्रकृति के श्रेष्ठ कृति हो
में नष्ट बिफल चित्रकार हूँ ।

तुम स्वर्णखचित कवच हो
में दोहरी जुल्फ़िकार हूँ ।

-


22 SEP 2019 AT 17:51

“ପୂର୍ବ-ପ୍ରେୟସୀ ରଜନୀ ସୂର୍ଯ୍ୟର ଅର୍ଦ୍ଧାଙ୍ଗିନୀ”―ଦିବସର ଅଧିକାରରେ ଜଳିଉଠେ ଜହ୍ନ ।
ବକ୍ଷୋଜରେ ଚନ୍ଦ୍ରକୁ ଚାପି
ଅନ୍ଧକାର ଆଢୁଆଳେ
ଶିହରିଉଠେ ରଜନୀ ।







-


Fetching Abhishek Khamari Quotes