ಅನ್ನ ಸಮೃದ್ಧಿ, ಶಾರೀರಿಕ-ಮಾನಸಿಕ ಬಲವೃದ್ಧಿ,
ಧನಾಭಿವೃದ್ಧಿ, ಸುಖ-ಸಂತೋಷ, ಪರಿವಾರದ
ಲಾಲನೆ-ಪಾಲನೆ, ಋತುಗಳ ಸುಖ, ಸ್ನೇಹ ಸ್ಥಿರತೆಗಾಗಿ
ಸಪ್ತಪದಿಯ ತುಳಿದು ಏಳೇಳು ಜನ್ಮಕ್ಕೂ
ನೀವೀರ್ವರು ಹೀಗೇ ಒಂದಾಗಿರಲೆಂದು ಬಯಸುತ್ತಾ
ಒಲವಿನಾಲಯಕ್ಕೆ ಕಾಲಿಟ್ಟು ಇಂದಿಗೆ "ಇಪ್ಪತ್ತೊಂದು ವರುಷಗಳಾದವು"!
ಲೆಕ್ಕವಿಲ್ಲದಷ್ಟು ಮನಸ್ತಾಪಗಳ ನಡುವೆಯೂ ಪ್ರೀತಿಯ
ಪ್ರತಿರೂಪದಂತಿರುವ ಅಪರೂಪದನನ್ಯ ದಂಪತಿಗಳು ನೀವೂ,
ಎಲ್ಲಾ ನೋವು ನಲಿವಿನ ಪಾಲುದಾರರು ನೀವೂ!
ನಮ್ಮೆಲ್ಲಾ ಆಸೆ ಕನಸಿನ ನನಸಿಗೆ ಕಾರಣ ನೀವೂ!
ಮೊದಲ ಗುರುವಾಗಿ ನಮ್ಮ ತಪ್ಪುಗಳ ತಿದ್ದುವ ಶಿಕ್ಷಕರು ನೀವೂ!
ಎಂತದ್ದೇ ಬಿಕ್ಕಟ್ಟಿನ ಪರಿಸ್ಥಿತಿಯಲ್ಲೂ ಒಬ್ಬರನ್ನೊಬ್ಬರು
ಬಿಟ್ಟುಕೊಡದ ಪ್ರೇಮಮಯಿಗಳು ನೀವೂ..!!
ಈ ಪ್ರೀತಿ, ನಂಬಿಕೆ, ಕಾಳಜಿ, ಒಗ್ಗಟ್ಟು, ಬಂಧುತ್ವ
ಅನುದಿನವೂ,, ಅನುಕ್ಷಣವೂ ನಿಮ್ಮಿಬ್ಬರೊಳು ಬೆರೆತಿರಲಿ,
ಸಂತಸದರಮನೆಯ ನಂದಾದೀಪದಂತೆ ಎಂದಿಗೂ ಪ್ರಜ್ವಲಿಸುತ್ತಿರಿ!
ತಪ್ಪು ಒಪ್ಪುಗಳ ಮನ್ನಿಸುತ ಸದಾಕಾಲವೂ ಆನಂದದಿಂದಿರಿ,
ನಿಮ್ಮೀ ಅನುಬಂಧಕ್ಕೆ ಕೊನೆಯೇ ಇಲ್ಲದಿರಲಿ!
ಎಂದಾಶಿಸುವೆ ಜನ್ಮದಾತರೇ....
-