Wo phir aayenge, pyaar dikhaayenge,
Wo phir pukaar kar, bhul jayenge,
Wo phir aansoo ponch, rula jayenge,
Wo zaalim hai, pyaar bata kar,
Sirf zakhmon se bhar jayenge.
Wo phir batayenge, kisse puraane,
Wo phir aayenge, sab suljhaane,
Wo phir muskura kar, loot jayenge,
Wo kajrare naino waale,
Phir tumhe buddh sa chor jayenge.
Muskurate nahin, sirf baatein karte hai,
Tumhe apna batane mei, wo aksar,
Bahut sharmaaya karte hai,
Tum gehna nai unki saaj kaa,
Bas ek chotta hissa,
Unke jeene ki andaaz ka,
Wo tumhe paakar khush toh nahi,
Par keh kar dil todna fitrat bhi nahi,
Wo phir aayenge, pyaar ki baatein,
Mulakaat ka koi zikr bhi nahi,
Tum hissa ho unke andaaz ka,
Unke khoobsurat saaj ka nahi.
-